Ադրբեջանը Թուրքիայի աջակցությամբ ավելի ագրեսիվ ու լկտի է դարձել. Դավիթ Բաբայան

2020 թվականի նոյեմբերի 9-ից հետո տարածաշրջանում իրավիճակն ամբողջությամբ փոխվել է։ Այս մասին NEWS.am-ի հետ զրույցում ասաց ԼՂՀ արտգործնախարար Դավիթ Բաբայանը։

«Նոյեմբերի 9-ը արյամբ գրվեց հայ ժողովրդի պատմության մեջ։ Մի կողմից, այդ օրն ավարտվեց արյունալի պատերազմը, բայց մյուս կողմից այդ պատերազմի արդյունքները ծանր ու դաժան են, եւ մինչ օրս մենք զգում ենք հետեւանքները։ Ավելին, Ադրբեջանը 44-օրյա պատերազմից հետո Թուրքիայի աջակցությամբ ավելի ագրեսիվ ու լկտի դարձավ։

Նոյեմբերի 9-ից հետո այլ իրավիճակ է, այլ Հարավային Կովկաս, այլ Ադրբեջան, Այլ Արցախ, Այլ Հայաստան։

Բայց նույնիսկ այս ծանր պահին իրավունք չունենք կոտրվելու։ Անկախ ամեն ինչից, պետք է պայքարենք մինչեւ վերջ, ճիշտ քաղաքականություն վարենք, փորձենք դուրս գալ ծանր վիճակից։ Եվ եթե մենք ամեն ինչ ճիշտ անենք, հնարավոր է պտտել պատմության անիվը»,-ասաց Բաբայանը։