Ուրուգվայում ներկայացվեց Ցեղասպանության ու ԼՂ հակամարտության մասին՝ ուրուգվացի կինոռեժիսորի ֆիլմը

Ուրուգվացի կինոռեժիսոր Ֆեդերիկո Լեմոսի «Մենք ենք մեր սարերը» փաստավավերագրական ֆիլմի ներկայացումը տեղի ունեցավ Ազգային աուդիտորիումի գլխավոր դահլիճում՝ մեծաթիվ հանդիսատեսի ներկայությամբ։

Ֆիլմը նվիրված է Հայոց ցեղասպանության՝ Հարավային Ամերիկայում ունեցած հետևանքներին և Արցախի հակամարտությանը։ Նկարահանումներ են իրականացվել գրեթե բոլոր մայրցամաքներում, այդ թվում՝ Արցախի առաջնագծի հայկական կողմում։

Հանդիսության ընթացքում, որում ներկա էին Ուրուգվայի կառավարության և խորհրդարանի անդամներ, Արցախի նախագահի խորհրդական Ազատուհի Սիմոնյանը ֆիլմի հեղինակին հանձնել է Արցախի պետնախարարի հուշամեդալը՝ գնահատելով կատարված աշխատանքը։

«Ազատությանը» հայտնի է դարձել, որ Ադրբեջանի դեսպանատունը խնդրել է Ուրուգվայի իշխանություններին մերժել ֆիլմի ներկայացումը պետական նշված սրահում, սակայն պատասխան է ստացվել, որ ձեռնարկն իրականացվել է՝ հարգելով մասնավոր իրավունքի կանոնները։