ՌԴ զինված ուժերի մարտունակությունը հաստատվել է հայ-ադրբեջանական հակամարտության գոտում․ Պատրուշև

Ռուսաստանի Զինված ուժերը մարտունակ են, շարժունակ, ժամանակակից, կոմպակտ և ունակ են ցանկացած պայմաններում կատարել իրենց վրա դրված խնդիրները։ Այդ մասին հայտարարել է ՌԴ Անվտանգության խորհրդի քարտուղար Նիկոլայ Պատրուշևը՝ Անվտանգության խորհրդի կազմավորման 30-ամյակին ընդառաջ «Ռոսիյսկայա գազետա»-ի համար հրապարակված հոդվածում։

Նրա խոսքով՝ դա հաստատվել է 2021 թվականին հայ-ադրբեջանական հակամարտության գոտում խաղաղապահ գործողության ընթացքում, ինչպես նաև Սիրիայի Արաբական Հանրապետությունում օդատիեզերական ուժերի գործողություններով և Ուկրաինայի ապառազմականացման և ապաազգայնականացման հատուկ ռազմական գործողությամբ։

«Այս գործողությունների ընթացքում զինծառայողները դրսևորել են անձնուրացություն, խիզախություն և հերոսություն և ապացուցել իրենց հավատարմությունը ռուսական բանակի փառավոր ավանդույթներին», - ընդգծել է Նիկոլայ Պատրուշևը։

Աղբյուր՝ tert.am