Թուրքիայում ուղղաթիռ է կործանվել. զոհվել են բարձրաստիճան զինվորականներ (լուսանկարներ)

Թուրքիայի Շըրնաք նահանգում զինվորականների տեղափոխող ուղղաթիռ է կործանվել: Թուրքական «Milliyet» թերթը, հղում անելով Թուրքիայի զինված ուժերի հայտարարությանը, նշում է, որ ուղղաթիռը բախվել է բարձր լարման էլեկտրալարերին և ընկել: Ուղղաթիռը կործանվել է թռիչքից 3 րոպե անց:
Ուղղաթիռի կարծանման հետևանքով զոհվել է 13 մարդ, այդ թվում ուղղաթիռի անձնակազմը և տեղափոխվող զինվորականնները:
Զոհվածները հիմնականում բարձրաստիճան զինվորականներ են: Ըստ պաշտոնական հաղորդագրության՝ զոհվել են 23-րդ սահմանապահ դիվիզիայի հրամանատար գեներալ-լեյտենանտ Այդողան Այդընը, գնդապետներ Օղուզհան Քյուչյուքդեմիրը, Գյոքհան Փեքերը, փոխգնդապետ Սոնգյուլ Յաքութը:
Դեպքի առնչությամբ հետաքննություն է սկսվել:

Աղբյուր` Ermenihaber.am