Թուրքիան նվազեցնում է արտաքին կախվածությունը պաշտպանական արդյունաբերության ոլորտում

Թուրքիայի պաշտպանական արդյունաբերության ղեկավար Իսմաիլ Դեիրը հայտարարել է, որ վերջին 15 տարվա ընթացքում ոլորտում արտաքին կախվածությունը 80%-ից նվազեցրել են 40-ի:
Ըստ թուրքական «ekonomi.haber7.com» լրատվական կայքի՝ Դեմիրը տեղեկացրել է, որ Թուրքիան 2016-ին պաշտպանական ոլորտի արտադրանքի վրա ծախսել է 5.9 մլրդ դոլար՝ ավելացնելով, որ այդ ցուցանիշը 2002-ին կազմում էր 250 մլն դոլար: Միևնույն ժամանակ երկիրը արտահանել է 1.7 մլրդ դոլարի պաշտպանական տեխնիկա:
Դեմիրը հայտարարել է նաև, որ 2017-ին աշխատում են 500 նախագիծի վրա, որոնցից 303-ն արդեն հաստատվել են (ընդհանուր արժեքը 36 մլրդ դոլար): Մնացած նախագծերը, որոնց ընդհանուր արժեքը կազմում է 55 մլրդ դոլար, գտնվում են ուսումնասիրության փուլում:
Թուրքիայի պաշտպանական արդյունաբերության պատասխանատուն հայտարարել է նաև, որ նախագծերը ներքին ռեսուրսներով իրականացնելու պաշտպանության նախարարությունը նոր արտադրական կազմակերպություններ է հիմնում, ինչպես նաև լայնացվում է համագործակցությունը տեղական կազմակերպությունների հետ:

Աղբյուր` Ermenihaber.am