Թուրքիայի և Պակիստանի միջև նոր պայմանագիր է ստորագրվել

Թուրքիան տարեցտարի խորացնում է համագործակցությունը իր բարեկամ երկիր Պակիստանի հետ: Այս մասին տեղեկացնում է ermenihaber.am-ը։ Պակիստանի ծովային գործերի նախարարության և թուրքական ընկերության միջև Իսլամաբադում կնքվել է 33.46 միլիոն դոլար արժողությամբ պայմանագիր: Այս մասին հաղորդագրություն է հրապարակել Պակիստանի ծովային գործերի նախարարությունը:

Ըստ այդ պայմանագրի՝ նախատեսվում է, որ թուրքական «Sanmar» նավաշինական ընկերությունը Պակիստանի համար 1 տարում կկառուցի 4 ASD տեսակի բուքսիրային նավ և 2 նավատար (pilot boat) կկառուցի: Ծովային գործերի նախարար Սեյիդ ալ Հայդար Զաիդին թուրքական այդ ընկերությանը հրավիրել է Պակիստան նավաշինարաններ կառուցելու: