Մեզ համար կարևոր է լսել Փաշինյանին. Լավրովը ՀՀ վարչապետի առաջիկա այցի մասին Մոսկվա

ՌԴ ԱԳՆ ղեկավար Սերգեյ Լավրովը խոսել է Փաշինյան-Պուտին առաջիկա հանդիպման մասին, ելույթ ունենալով Մոսկվայի միջազգային հարաբերությունների պետական ինստիտուտի առաջին կուրսեցիների առջև: Հաղորդում է ՌԻԱ Նովոստին:

«Մոտ ժամանակներս պլանավորվում Է նախագահ Պուտինի և վարչապետ Փաշինյանի ևս մեկ հանդիպում: Կարծում եմ, մեզ համար կարեւոր կլինի լսել, թե Հայաստանի նոր ղեկավարն ինքն ինչպես Է գնահատում իր երկրում իրադրության զարգացման հեռանկարները: Իհարկե, մենք բնավ անտարբեր չենք, թե այս իրավիճակում ինչ տեսք ունեն Հայաստանի պարտավորությունները ՀԱՊԿ-ի հանդեպ, մենք ելնում ենք այն բանից, որ այդ պարտավորությունները գործում են, դրանք հարկավոր Է կատարել ամբողջությամբ, այդ թվում այն առումով, ինչը վերաբերում Է մեր ընդհանուր կազմակերպության վարկի ու հեղինակության ամրապնդմանը», - ասաց նա:

Հիշեցնենք՝ սեպտեմբերի 8-ին ՀՀ վարչապետ Նիկոլ Փաշինյանը աշխատանքային այցով կմեկնի Մոսկվա՝ հանդիպելու ՌԴ նախագահ Վլադիմիր Պուտինին:

Zham.am