Ի՞նչ ունեցվածք ունի Նիկոլ Փաշինյանը (Տեսանյութ)

Zham.am-ը ներկայացնում է ՀՀ վարչապետի պաշտոնակատար Նիկոլ Փաշինյանի ունեցվածքը` ըստ պաշտոնատար անձանց էթիկայի հանձնաժողով ներկայացրած հայտարարագրի:

Ս/թ մայիսի 8-ին վարչապետ ընտրված Նիկոլ Փաշինյանը վարչապետի պաշտոնի ստանձման հայտարագիր դեռևս չի ներկայացրել:

Փաշինյանի ներկայացրած վերջին հայտարարագիրը Ազգային Ժողովի պատգամավորի հայտարարագիրն է:

2017 թվականի տարեկան հայտարարագրում, որը ներկայացվել է 2018 թ-ի մարտի 29-ին, Նիկոլ Փաշինյանը գրանցել է 7 մլն 941 520 դրամ եկամուտ, որը գոյացել է հետևյալ կերպ`

6 մլն 941 520 դրամ` աշխատանքի վարձատրություն,

1 մլն դրամ` նվիրատվություն:

Փաշինյանը հայտարարագրել է հետևյալ դրամական միջոցները`

790 000 դրամ,

1800 դրամ:

Հարկային տարվա ավարտին Նիկոլ Փաշինյանը գրանցել է երեք փոխառություն հետևյալ արժեքներով`

1 մլն 427 173 դրամ,

85 608 դրամ,

68 750 դրամ:

Պատգամավորի պաշտոնի ստանձման հայտարարագրում, որը ներկայացվել է 2017 թվականի հունիսի 2-ին, Նիկոլ Փաշինյանը հայտարարագրել է HYUNDAI SONATA 2.4 մոդելի ավտոմեքենա:

Փաշինյանի եկամուտները կազմել 3 մլն 125 110 դրամ, որը գոյացել է հետևյալ միջոցներից`

2 մլն 125 110 դրամ` աշխատանքի վարձատրություն,

1 մլն դրամ` նվիրատվություն:

Նիկոլ Փաշինյանը հայտարարագրել է 1 800 դոլար դրամական միջոց:

Նիկոլ Փաշինյանի կինը` Աննա Հակոբյանը 2017 թվականին ունեցել է 1000 դոլար դրամական միջոց:

Եկամուտները կազմել են 11 մլն 745 745 դրամ, որը գոյացել է հետևյալ կերպ`

3 մլն 858 745 դրամ` աշխատանքի վարձատրություն,

1 մլն 725 000 դրամ` աշխատանքի վարձատրություն

2 մլն 700 000 դրամ` վարձակալության դիմաց ստացած եկամուտ,

3 մլն 462 000 դրամ` վարձակալության դիմաց ստացված եկամուտ:

Նիկոլ Փաշինյանի որդին` Աշոտ Փաշինյանը, 2017 թվականին ստացել է 2 347 եվրո նվիրատվություն:

Ակաթի Վահանյան