«Արմատներ» ֆիլմի պրեմիերա (տեսանյութ)

Հայաստանի հանրային հեռուստաընկերության եթերում ապրիլի 24-ին՝ ժամը 21:45-ին, կկայանա «Արմատներ» ֆիլմի առաջին հեռուստատեսային ցուցադրությունը: Այն ամփոփում է Մեծ եղեռնի 100-րդ տարելիցին նվիրված բոլոր միջոցառումներն ու պատմում երիտասարդ զույգի սիրո պատմություն, որը զուգահեռաբար միահյուսված է Հայոց ցեղասպանության թեմային, հիշողություններին:

Բացի այդ, Առաջին ալիքի եթերում ժամը 19:50-ին կներկայացվի նաեւ Հանրայինի պատրաստած «Գործ N22/21. Սողոմոն Թեհլիրյան» խորագրով ֆիլմը, որը գրեթե 1 տարի տեւած լրագրողական հետաքննություն է «Նեմեսիս» գործողության ծրագրի եւ Սողոմոն Թեհլերյանի դատավարության դեռեւս չբացահայատված կողմերի մասին:

Տիգրան Դանիելյանի «Պատերազմի եւ խաղաղության կռիվ» հեռուստաֆիլմը եթերում կլինի ժամը 16:25-ին եւ կներկայացնի այսօրվա Հալեպը ու շուրջ 7 տարի տեւող պատերազմական իրավիճակում գտնվող հայ ընտանիքների պատմությունները:
Հանրայինի եթերում ժամը 12:30-ին կցուցադրվի Աննա Հեդվիգ Բյուլի մասին «Վերջին Աղոթքը» փաստա-վավերագրական ֆիլմը, որտեղ պատմվում է էստոնացի միսիոների՝ Հայոց եղեռնից փրկված հայ որբերին ու այրիներին օգնելու սխրանքի մասին:
Ժամը 14:30-ին կցուցադրվի «Արարատ»-ը, իսկ ժամը 17:35-ին՝ «Մայրիկ»-ը:
Մանրամասները հետեւյալ հղումներով՝

http://www.1tv.am/hy#video61294-Գ/Ֆ «Արմատներ»
http://www.1tv.am/hy#video61731-Գ/Ֆ «Մայրիկ»
http://www.1tv.am/hy#video61679-Փ/Ֆ «Գործ N22/21. Սողոմոն Թեհլիրյան»
http://www.1tv.am/hy#video61712-Փ/Ֆ «Պատերազմի և խաղաղության կռիվը»
http://www.1tv.am/hy#video61707-Վ/Ֆ «Վերջին աղոթքը. Աննա ՀեդվիգԲյուլ»