«Իրանական պատերազմը և «կուկուրուզը»

5 Մարտ, 2026 22:32

Քաղաքագետ Բենիամին Մաթևոսյանը նկատում է. «Իրանական պատերազմը և «կուկուրուզը»։ Քովիդի համավարակի ժամանակաշրջանից ի վեր ակնհայտ է, որ Հայաստանի գործող իշխանությունները ճգնաժամային կառավարման լուրջ խնդիրներ ունեն։ Համավարակի սկզբնական փուլում նրանք կարող էին փակել սահմանները և սահմանափակումներ մտցնել, որպեսզի վարակն այդքան լայն տարածում չստանար, սակայն դա չարվեց, և մենք տարածաշրջանում դարձանք «առաջատար»։

Հետագա բոլոր իրադարձությունները ևս ապացուցեցին այս փաստը՝ կա շուրջ խնդիր կառավարման հետ։ Այսօր իրանական պատերազմը գալիս է վերահաստատելու նույնը։ Պատերազմը մեկնարկեց փետրվարի 28-ին։ Նույն օրը, օրինակ, Ռուսաստանում տեղի է ունենում Անվտանգության խորհրդի նիստ, իսկ Հայաստանի ղեկավարը՝ Ալեն Սիմոնյանի հետ «պերաշկի» ապա« կուկուրուզ» էր ուտում։

Ոչ ոք չի ասում, թե չպետք է սնվել, բայց դու պետք է պատրաստ լինես մարտահրավերներին, որոնք բխում են հարևան երկրում ընթացող պատերազմից։

Հիմնական մարտահրավերը պոտենցիալ փախստականներն են։ Եթե պատերազմը երկարի, մենք մեծ թվով փախստականներ ենք ընդունելու։ Արդյո՞ք պատրաստ են դրան մեր ենթակառուցվածքները։

Ավելին , Իրանում բնակվում են բազմաթիվ ադրբեջանցիներ։ Հնարավոր է, որ Ադրբեջանի իշխանություններն օգտվեն առիթից և իրանցի փախստականների անվան տակ ադրբեջանցիներ ուղարկեն Հայաստան՝ հետագայում «Արևմտյան Ադրբեջան» նախագիծն իրականացնելու համար։

Սա տրամաբանական հարց է, այլ ոչ թե մանիպուլյացիոն խնդիր։

Հարցն այն է, որ մեր կողքին պատերազմ է, իսկ մեր հարևանը Հայաստանի տարածքը համարում է «Արևմտյան Ադրբեջան»։ Այս ամենը հաշվի առնելով՝ պետք է հասկանալ, որ բացի սնվելուց, իշխանությունը պետք է նաև այլ հարցերով զբաղվի։ Ի վերջո, գլուխը միայն ուտելու համար չէ»:
Տեսանյութի հղումը՝
https://www.facebook.com/watch/?v=816062764846405