Փաշինյանը, «Ցանկապատը» և այն գրվելու ժամանակ դեռ գոյություն չունեցող «ԳլավԼիտը»

Քաղաքագետ Արմեն Հովասափյանը ուշագրավ դիտարկում է արել, որով մերկացնում է Փաշինյանի ևս մեկ սուտ: Թվում է՝ մանրուք է, բայց այս բացահայտումը մերկացնում է «կրթասեր» Փաշինյանի մանիպուլյատիվ գործելակերպը, կամ էլ նա պիտի ընդունի, որ Զորյանի ստաղծագործություններից, Հայաստանի, այդ թվում՝ ԽՍՀՄ պատմությունից ուղղակիորեն «զրո» է: 
Արմեն Հովասափյանը գրում է. «Նիկոլական «կռուտիտների» և լուրջ դեմքով «միամիտ» խաղալու դրվագներին ականատես ենք եղել բազմիցս, երբ նա փորձում է իր արտահայտած որևէ միտք ներկայացնել որպես «աստվածային բացարձակ» ճշմարտություն։
Սրա տակ իրականում լուրջ ենթաշերտեր կան, քանի որ Նիկոլը, որպես կանոն, միշտ կիսաճշմարտություններ է ասում։ Իսկ քանի որ իր շուրջը նա հավաքել է հիմնականում որևէ լուրջ ու խորքային գիտելիքներ չունեցողների մի խումբ, որոնք Հայոց իրական արժեքների հետ ոչ մի աղերս և պորտալարային կապ չունեն, ապա իր կողմից հրապարակ նետված ցանկացած ցնդած պնդում որևէ դիմադրության չի հանդիպում։ Սա տեղի է ունենում բոլոր ոլորտներում՝ առանց բացառության։