Մեղադրանք է առաջադրվել նաև Նոր Նորք վարչական շրջանի ղեկավարին

Նոր Նորք վարչական շրջանի ղեկավար Տիգրան Տեր-Մարգարյանին, որը Արամ Զավենի Սարգսյանի թիմակիցն է, մեղադրանք է առաջադրվել մի խումբ անձանց կողմից ֆիզիկական ներգործության հատկանիշներով։

Նշենք, որ քիչ առաջ ՔԿ մամուլի խոսնակ Կիմա Ավդալյանը տեղեկացրեց, որ Նոր Նորք վարչական շրջանի ղեկավարի աշխատակազմում տեղի ունեցած դեպքի առթիվ նախաձեռնված քրեական վարույթի շրջանակներում հանրային քրեական հետապնդում է հարուցվել 4 անձի նկատմամբ՝ Քրեական օրենսգրքի 195-րդ հոդվածի 2-րդ մասի 5-րդ կետով (մի խումբ անձանց կողմից ֆիզիկական ներգործությունը)։

Չորս անձանցից մեկը հենց եվրապական արժեքների ջատագով, ԵՄ անդամակցության կողմ «Հանրապետություն» կուսակցության անդամ Տեր-Մարգարյանն է, մյուս երեքը վարչական շրջանի աշխատակազմի աշխատակիցներ են։

Քրեական օրենսգրքի 195 հոդվածի 2-րդ մասի 5-րդ կետը սահմանում է.

«Մի խումբ անձանց կողմից հարվածներ հասցնելը կամ բռնի այլ գործողություններ կատարելը պատժվում է տուգանքով` տասնապատիկից երեսնապատիկի չափով, կամ հանրային աշխատանքներով` հարյուրից երկու հարյուր ժամ տևողությամբ, կամ ազատության սահմանափակմամբ` առավելագույնը երկու տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով»։
Աղբյուրը` Panorama.am