Բաշար ալ-Ասադը «մեծ հավանականությամբ» զոհվել է

Սիրիայի նախագահ Բաշար ալ-Ասադը մեծ հավանականությամբ զոհվել է ավիավթարի հետևանքով; Այդ մասին հայտնում է Reuters-ը՝ հղում անելով սիրիական հանրապետությունում իր երկու աղբյուրներին։ Գործակալությունը չի բացառում, որ ինքնաթիռի անձնակազմը կարող էր անջատել հաղորդիչը, ինչի պատճառով էլ ինքնաթիռն անհետացել է ռադարներից։ «Այն անհետացել է ռադարներից, երևի հաղորդիչն անջատվել է, բայց ավելի հավանական եմ համարում, որ ինքնաթիռը խփվել է», - RBC-ի փոխանցմամբ, ասել է աղբյուրներից մեկը մեկը։

Իլ-76 ինքնաթիռը (գրանցման համարը՝ YK-ATA), որով Ասադը, իբր, օդ է բարձրացել Դամասկոսից, սկզբում շարժվել է դեպի Իրաքի հետ սահման, այնուհետև թեքվել դեպի հյուսիս-արևելք՝ դեպի Սիրիայի Միջերկրական ծովի ափ, որտեղ ապրում են կառավարությանը հավատարիմ ալավիները և տեղակայված են ռուս զինվորականների բազաներ, որից հետո այն կտրուկ թեքվել է հակառակ ուղղությամբ և անհետացել ռադարներից Հոմսի մերձակայքում, որը վերահսկվում է ապստամբների կողմից։ Թռիչքի նպատակակետը չի նշվում։ Ռադարներից անհետանալուց երկու րոպե առաջ, FlightRadar թռիչքների հետագծման ծառայության տվյալների համաձայն, ինքնաթիռի թռիչքի բարձրությունը և արագությունը սահուն նվազել են համապատասխան մինչև 2,6 կմ և 64 կմ/ժ։