Սերունդները մեզ չեն ների, եթե այս հայրենիքը կորցնենք. Զաքարիա ծայրագույն վարդապետ Բաղումյան

Մայր Աթոռի Քրիստոնեական դաստիարակության կենտրոնի տնօրեն Զաքարիա ծայրագույն վարդապետ Բաղումյանը «5-րդ ալիքի» «Օրագիր» ծրագրին տված հարցազրույցում նախ, իր հարգանքն ու խոնարհումն է արտահայտել 44-օրյա պատերազմում զոհված հերոսներին նկատելով՝ դժբախտաբար, 4 տարի անց մենք դասեր չենք քաղել:
Հարցազրույցի հիմնական թեզերն ու շեշտադրումները.
Պետք է կարողանանք փոխել այս չարաբաստիկ քաղաքական ընթացքը, որը մեզ տանում է կեղծ խաղաղության եւ նոր պատերազմի:
Մյուռոնօրհնության կարգախոսն է՝ դրոշմ ինքնության, սա պատահական չէ, կարեւոր է՝ վերադառնալ այդ ինքնությանը:
Մյուռոնօրհնության խորհուրդը միասնականության կոչն է, Հայոց եկեղեցին պետք է լինի այդ շաղախը:
Այս ողբերգությունները կարող են անդառնալի լինել, եթե մենք չկարողանանք կանգ առնել, մեզ պետք է համազգային ծրագիր:
Այսօր մեզ ներշնչում են, թե այն հոգեւոր, ազգային արժեհամակարգը, որով գոյատեւել ենք իբրեւ ազգ, կեղծ է:
Հասարակության մի զգալի հատված խորը թմբիրի մեջ է եւ ապրում է օրոք, մենք պետք է նայենք մեր քարտեզին:
Ի՞նչ են պատասխանելու Աստծուն այս օրերի համար:
Հայոց եկեղեցուն կարելի է ինչ-որ բանեի մեջ մեղադրել, բայց Հայոց եկեղեցին ամեն ինչ արել է, որ հայը մնա իր հայրենիքում:
Սրանով Հայոց եկեղեցին եւս մեկ անգամ շեշտում է, որ մեզ համար կարեւոր է Հայոց պետականությունը:
Սերունդները մեզ չեն ների, եթե այս հայրենիքը կորցնենք: