Հերթական հարվածը Ղրիմի կամրջին. Ի՞նչ է հայտնի. մանրամասներ

Ղրիմի ղեկավար Սերգեյ Ակսյոնովը հայտարարել է Կրասնոդարի երկրամասի 145-րդ աջակցության տարածքում արտակարգ իրավիճակի պատճառով Ղրիմի կամրջի երթեւեկությունը դադարեցնելու մասին, հայտնում է «ՌԻԱ նովոստին»;

Ակսյոնովը Ղրիմի բնակիչներին և թերակղզու հյուրերին հորդորել է ձեռնպահ մնալ Ղրիմի կամրջով երթևեկելուց, ընտրել այլընտրանքային ճանապարհ նոր շրջաններով։

«Ռուսաստանի Դաշնության Քննչական կոմիտեի Ղրիմի Հանրապետության և Սևաստոպոլ քաղաքի գլխավոր քննչական վարչության ղեկավարությունը, հատկապես կարևոր գործերի քննության ամենափորձառու քննիչների խումբը և քրեագետ քննիչները մեկնել են դեպքի վայր՝ քննչական գործողություններ իրականացնելու համար՝ կապված Ղրիմի կամրջի վրա տեղի ունեցած միջադեպի հետ»,- ասվում է հաղորդագրության մեջ։

Իր հերթին, Ռուսաստանի տրանսպորտի նախարարությունը հայտնել է, որ Ղրիմի կողմից վնասվել է Ղրիմի կամրջի բացվածքների ճանապարհահատվածը։

Բացի այդ, Ղրիմի կամրջի վրա արտակարգ պատահարի հետևանքով Բելգորոդի մարզից ամուսիններ են մահացել, նրանց դուստրը վիրավորվել է։ Այս մասին հայտարարել է մարզի ղեկավար Վյաչեսլավ Գլադկովը։

Կուբանի բժիշկների խոսքով՝ երեխան ստացել է փակ գանգուղեղային վնասվածք, աղջիկը միջին ծանրության վիճակում է։

Բելգորոդի ղեկավարն ասել է, որ տուժածը միջին ծանրության վնասվածքներ ունի, և հնարավորության դեպքում նրան կտեղափոխեն Բելգորոդի շրջան՝ բուժման համար։

«Ամենածանրն այն է, որ մահացել են նրա ծնողները՝ հայրն ու մայրը», - ասել է Գլադկովը:

Ռուսաստանի քննչական կոմիտեի հատուկ քննչական վարչությունը քրեական գործ է հարուցել ահաբեկչական գործողության հատկանիշներով։ Այս մասին հաղորդագրություն է տարածել ՌԴ քննչական կոմիտեն՝ պայթյունի պատասխանատու անվանելով Ուկրաինայի հատուկ ծառայություններին։ 

Ուկրաինայի անվտանգության ծառայությունը (ՈւԱԾ)Ղրիմի կամրջի պայթյունից հետո սոցցանցերի իր պաշտոնական էջերում հրապարակել է բանաստեղծություն․ «Սոխա՛կ, իմ սիրելի՛ եղբայր, նորից կամուրջը գնաց «քնելու»։ Այն անգամ մեկ… Երկու»։ Բանաստեղծությունն ունի հետևյալ հետգրությունը․ «Երաժշտությունը՝ ժողովրդական, բառերը՝ ՈւԱԾ-ի»։ Ուկրաինայի անվտանգության ծառայությունը Ղրիմի կամրջի վրա 2022 թ․ հոկտեմբերի 8-ին տեղի ունեցած նախորդ պայթյունին արձագանքել էր նմանատիպ մի բանաստեղծությամբ։

Zham.am