Վլադիմիր Սոլովյովը կիսվել է լուրով. Առաջին անգամ հաստատվեց այն, որ Ադրբեջանում կան միջազգային ահաբեկիչներ

Ռուս հայտնի լրագրող Վլադիմիր Սոլովյովը Տելեգրամի իր ալիքում շարունակում է ակտիվորեն մեկնաբանել Ղարաբաղում ընթացող ռազմական գործողությունները: Այսօր Սոլովյովն իր ալիքում կիսվել է  «Rybar» տելեգրամ ալիքի հրապարակումը, որում Սիրիական Ազգային բանակի  գեներալ  Զիյաթ  Խաջի Ուբեյդը հաստատել է, որ Սիրիական Ազատ բանակի զինյալները մեկնել են Ադրբեջան:

Ուբեյդը նշել է, որ Աֆրինում, Ռաս էլ-Այենում և սիրիական այլ տարածքներում, որոնք այս պահին Թուրքական վերահոսկողության տակ են, շատ վատ տնտեսական վիճակ է ու զինյալները՝  նպատակ ունանալով «հոգ տանել իրենց ընտանիքների մասին», մեկնել են Ադրբեջան:

«Մենք պատրաստ ենք կռվել ամեն տեղ հանուն Թուրքիայի ազգային շահերի և անվտանգության: Մենք պաշտպանում ենք մեր շահերը, որպեսզի կյանքի կոչենք մեր նպատակները»,- հայտարարել է գեներալ Ուբեյդը:

Zham.am