Դաժան ու սահմռկեցուցիչ դեպք Վայոց Ձորի մարզում. զոհին սպանելուց հետո դին կախել է, որպեսզի կարծեն, թե տեղի ունեցածը ինքնասպանություն է
Հայաստանի քննչական կոմիտեի Վայոց Ձորի մարզային քննչական վարչությունում ՀՀ քր.օր-ի 104 հոդվածի 1-ին մասի (սպանություն) հատկանիշներով հարուցվել է քրեական գործ։
Երեկ՝ նոյեմբերի 5-ին, նույն վարչության հատկապես կարևոր գործերով ավագ քննիչը միջնորդություն է ներկայացրել Արարատի և Վայոց Ձորի մարզերի ընդհանուր իրավասության դատարան, որպեսզի դատարանը որպես խափանման միջոց երկամսյա կալանքի որոշում կայացնի Վայոց Ձորի մարզի Մալիշկա գյուղի բնակիչ, 44-ամյա Արտուշ Զաքարյանի նկատմամբ։
Ֆոտոլրագրողի տեղեկություններով՝ դատարանը բավարարել է քննիչի միջնորդությունը և Ա. Զաքարյանը կալանավորվել է։ Վերջինս կասկածվում է այս տարվա հուլիսի 12-ին համագյուղացի, 54-ամյա Վազգեն Ս.-ին սպանելու, այնուհետև դին նրա տան նկուղ տանելու և կախելու մեջ։
Նույն օրը դեպքի վայր ժամանած Ոստիկանության Վայոց Ձորի մարզային վարչության, Ոստիկանության Եղեգնաձորի բաժնի, ինչպես նաև Հայաստանի քննչական կոմիտեի Վայոց Ձորի մարզային քննչական վարչության ծառայողները դեպքի վայրում կարծել էին, որ Վազգեն Ս.-ն ինքնասպան է եղել, սակայն քննիչի որոշմամբ նշանակվել էր դատաբժշկական փորձաքննություն, ինչի շնորհիվ պարզվել էր, որ նրա մահը վրա է հասել մեխանիկական շնչահեղձությունից՝ պարանոցի օրգանների սեղմման արդյունքում, իսկ պարանոցի վերին երորդականի մագաղաթանման ճմլման ակոսն առաջացել է օդի ներգործությամբ և ունի հետմահու ծագում։
Դատաբժիշկը տեղեկացրել էր, որ Վազգեն Ս.-ի մահը անհայտ անձի կողմից նրա նկատմամբ կիրառված բռնության հետևանք է։
Մանրամասները` Shamshyan.com- ում