Մանկապարտեզ եք սարքել, դուք դատավոր չեք․ թեժ բանավեճ փաստաբանի եւ «Սասնա ծռերի» գործով դատավորի միջեւ(Տեսանյութ)
«Սասնա ծռերի» 14 անդամի գործով դատական նիստին նախագահող դատավոր Արտուշ Գաբրիելյանը վերադառնալով խորհրդակցական սենյակից, այդպես էլ չհայտնեց, թե ինչ սանկցիա է կիրառում փաստաբաններ Արայիկ Պապիկյանի, Արա Զաքարյանի եւ Մուշեղ Շուշանյանի նկատմամբ, որոնք չէին կարողացել մտնել դատական նիստերի դահլիճ։
Հիշեցնենք, որ այդ երեք փաստաբանները այսօր առավոտյան կրկին չկարողացան մտնել դատական նիստերի դահլիճ, քանի որ բախվեցին կրնկին նույն խնդրին՝ չեն ցանկանում ենթարկվել խուզարկության։ Մինչդեռ դատական կարգադրիչները պնդում են, որ դա ոչ թե խուզարկություն է, այլ զննություն։
Դատավորի՝ խորհրդակցական սենյակում լինելու ընթացքում, դատարանի բակում գտնվող փաստաբանները կարողացան մտնել դատական նիտերի դահլիճ։
Նիստը վերսկսեվելուն պես Արտուշ Գաբրիելյանը դատական սանկցիա կիրառեց ամբաստանյալների նկատմամբ նախազգուշացման տեսքով՝ դատարանի նիստերի դահլիճ ներս մտնելու ընթացում ոտքի չկանգնելու համար։
Այնուհետեւ, դատավորը ընթերցեց ոստիկանության ուղեկցող գումարտկի՝ իրեն փոխանցված այն գրությունը, որով հայտնում են, որ ամբաստանյալ Կարո Եղնուկյանը հրաժարվել է դատական նիստերի դահլիճ մտնելուց առաջ հանձնել իր մոտ եղած շշով ջուրը։
Դատավորը Եղնուկյանին կարգադրեց հանձնել շշով ջուրը, անհրաժեշտության դեպքում իրեն կտրամադրվի ջուր։ Սակայն Եղնուկյանը առարկեց՝ նշելով, որ բոլոր դատական նիստերին ինքը շշով ջուրը տարել է նիստերի դահլիճ, եւ դա սովորական ջուր չէ, ընտանիքի անդամները թորած ջուր են իրեն բերում։
Տեսնելով, որ Եղնուկյանը չի հանձնում շշով ջուրը, նրան հեռացրեց դատական նիստերի դահլիճից՝ 10 ժամով։
Մանրամասները՝ Hraparak.am-ոոմ: