Մոսկվայում 40-ամյա տղամարդը 10 տարի սեռական ստրկության մեջ է պահել տղա երեխային
Մոսկվայում 40-ամյա տղամարդ է բերման ենթարկվել 10 տարի սեփական բնակարանում տղա երեխա պահելու ու բռնաբարելու մեղադրանքով: Այս մասին հաղորդում է «ՌԻԱ Նովոստի»-ն՝ ՌԴ Քննչական ծառայությանը հղելով:
Քննիչների տվյալներով, տղամարդն արդեն ընդունել է մեղքը և պատմել հանցագործության հանգամանքները: Պարզվել է, որ դեռ 2007 թ. հունիսին նա ծանոթացել է 9-ամյա տղա երեխայի հետ, որին առաջարկել է ապրել նրա հետ միասին: Երեխան համաձայնվել է և հեռացել տանից:
«Երկար ժամանակ մեղադրյալը նրան բաց չէր թողնում սենյակից, թաքցնելով նրան շրջապատից: Ինչպես ենթադրում է քննությունը, օգտվելով երեխայի անօգնական վիճակից տղամարդը նրա նկատմամբ սեռական բնույթի բռնարարքներ է թույլ տվել», - ասվում է հաղորդագրության մեջ:
Նույն տարում էլ երեխայի սպանության քրեական գործ էր հարուցվել: Երեխային փնտրում էին ողջ երկրով մեկ: Մոսկվայի Քննչական ծառայության տարված աշխատանքի շնորհիվ հնարավոր եղավ պարզել ինչ է իրականում տեղի ունեցել:
Կասկածյանին արդեն կալանքի տակ են առել: Ինչպես հաղորդվում է նա 2001 թ. դատվածություն էր ունեցել անբարո գործողությունների համար:
Zham.am