Ֆեյսբուքահայության արձագանքը Սասուն Միքայելյանի՝ Սերժ Սարգսյանի վարչապետ լինելու հայտարարության մասին
Այսօր ՀՀ Ազգային ժողովում լրագրողների հետ զրույցում «Ելք» խմբակցության պատգամավոր Սասուն Միքայելյանը, մեկնաբանելով օրեր առաջ Գալուստ Սահակյանի հնչեցրած հայտարարությունը, թե «Մեր ազգը պիտի ընդունի, որ առաջիկայում նորից Սերժ Սարգսյանը պետք է ղեկավարի երկիրը» հայտարարեց, որ «Ճիշտ կլինի, որ վարչապետ դառնա Սերժ Սարգսյանը»:
Ստորև ներկայացնում ենք ֆեյսբուքահայության արձագանքը:
«Դեռ երկու հոգի են Սերժի թեկնածությունը պաշտոնապես պաշտպանել, ՀՀԿ-ից Գալուստ Սահակյանը, ԵԼՔ-ից Սասուն Միքայելյանը։
Ինչպես Նիկոլը կասեր՝ սահմանադրական փոփոխությունը կեղծ օրակարգ էր», - Ֆեյսբուքի իր էջում գրել է Արմեն Գրիգորյանը:
***
«Հիմա ԵԼՔը Սերժնա՞ :)», - կիսակատակ գրել է Աշոտ Գասպարյանը:
***
«Դուք բայց էս ինչ օյին եք ժողովրդի գլխին», - մտահոգություն է հայտնել Սամ Իսրայելյանը:
***
«Շարքով, հերթով, կարգով ))))
Սասուն Միքայելյան. Ավելի ճիշտ կլինի, եթե վարչապետ դառնա Սերժ Սարգսյանը», - գրել է ֆեյսբուքյան իր էջում Արամ Մանուկյանը:
***
«Փաստորեն մինչև հիմա Սերժ Սարգսյանը ոչ մի բանի համար պատասխանատվություն չի կրում, որովհետև էս ընթացքում մի քանի վարչապետ ենք ունեցել, ու էդ հեչ էլի, որ էդ սաղ ընթացքում Սերժը նախագահ ա եղել, պետք ա հիմա դառնա վարչապետ, նոր պատասխանատու կլինի)))», - փաստել է Արման Թաթոսյանը:
Zham.am