Առաջիկայում ԵԱՀԿ ղեկավարության հետ բանակցություններ կանցկացվեն Մոսկվայում. ՌԴ ԱԳՆ

ՌԴ փոխարտգործնախարար Ալեքսանդր Գրուշկոն երկուշաբթի հայտնել է, որ ԵԱՀԿ նոր ղեկավարության հետ առաջիկայում բանակցություններ տեղի կունենան Մոսկվայում:

«ՏԱՍՍ» գործակալության փոխանցմամբ՝ այս մասին պաշտոնյան հայտնել է ելույթ ունենալով Պետդումայի միջազգային հարցերով հանձնաժողովում, որտեղ «Ռուսաստան-Եվրոպա. իրականություն և հեռանկարներ» խորագրով քննարկում է տեղի ունեցել: «Այժմ մենք ակտիվորեն աշխատում ենք ԵԱՀԿ նոր ղեկավարության, ինստիտուտի ղեկավարների հետ, որոնց հետ առաջիկայում բանակցություններ են նախատեսված Մոսկվայում»,- ասել է Գրուշկոն:

«Խնդիրների բնույթը, որոնք այսօր կանգնած են մեր առաջ, և խոսքը միայն Եվրասիական տարածաշրջանի մասին չէ, այլև ընդհանուր առմամբ՝ գլոբալ մասշտաբով, միավորում է պահանջում: Այդ իմաստով ԵԱՀԿ-ն կրկին, ինչպես իր ստեղծման ժամանակ, կարող է պահանջված կազմակերպություն դառնալ: Սակայն դրա համար անհրաժեշտ է բարձրացնել ԵԱՀԿ արդյունավետությունը»,- հավելել է պաշտոնյան:

Աղբյուր՝ Tert.am