Բոլոր այն մարդկանց, ովքեր «թութակի» նման կրկնում են, որ «30 տարի բանակ չենք ունեցել»
1. Մինչև 2020թ. սեպտեմբերը` ներառյալ 2020թ հուլիսի տավուշյան մարտերը, ո՞վ էր ապահովում մեր երկրի, ինչպես նաև անձամբ ձեր անվտանգությունը
2.Վազգեն Սարգսյանի կենդանության օրոք, ձեզանից ո՞ր մեկն է հանդգնել բարբաջել, որ իբրև թե «ԲԱՆԱԿ ՉՈՒՆԵՆՔ»...
3. Մանվել Գրիգորյանի` ԵԿՄ նախագահության տարիներին, ո՞ր երկրապահի մտքի ծայրով է անցել, որ մենք «ԲԱՆԱԿ ՉՈՒՆԵՆՔ»
4. Ռոբերտ Քոչարյանի և Սերժ Սարգսյանի նախագահության տարիներին, ձեզանից ո՞վ բազմաթիվ անգամ չի կրկնել և «հավատարմության երդում» չի տվել առ այն, որ մեր ԲԱՆԱԿԸ տարածաշրջանում ամենամարտունակն է, ինչը իրոք համապատասխանել է իրականությանը։ Եթե այդպիսի բան չեք ասել, բայց ձեր ներքին համոզմունքը եղել է այլ, ուրեմն դուք առնվազն կեղծավոր եք և վախկոտ...
5. 2020թ. հուլիսին Տավուշում տեղի ունեցած մարտերից հետո, նիկոլ փաշինյանը, ի լուր ամբողջ աշխարհի, հայտարարեց, որ «մեր բանակը հասել է աննախադեպ մարտավարական բարձունքների, որ Հայաստանի դեմ ոչ ոք չի կարող խոսել ուժի լեզվով, որ Արցախի հարցը չունի ռազմական լուծուм»։ Իսկ մինչ այդ, մի առիթով ասել էր նաև, որ «այլևս փակված է հին սպառազինությունների էջը...»։
Այսքանից հետո չե՞ք կարծում, որ.
-«30 տարի բանակ չունենալու» մասին ձեր բարբաջանքներով, դուք առնվազն հակասում եք նիկոլին
-կարո՞ղ էր արդյոք «ՉԵՂԱԾ ԲԱՆԱԿԸ» «Փայլուն» հաղթանակ տանել տավուշյան մարտերում։ Հ.Գ Ոմանք, եթե նույնիսկ կարծում են, որ մենք «բանակ չենք ունեցել»ոչ թե 30` այլ 27 տարի, ապա միևնույն է, դրանից ոչինչ չի փոխվում, քանի որ.
- բանակաշինությունը այնպիսի պրոցես է, որը չի կարող իրականացվել երկու տարում։ Բանակ կառուցելը տասնամյակների պրոցես է...:
- բոլոր այն սպաները և գեներալները, որոնք ստացան հերոսի կոչում և այլ մեդալներ, վերջին երկու կամ երեք տարու՞մ էին զորակոչվել...:
Հայկ Ֆարմանյան, տնտեսագետ,
«Մեկ Հայաստան» կուսակցության քաղխորհրդի անդամ