Թումանյանի թանգարանում մայիսը՝ Պինոկիոյի ամիս

Հովհ. Թումանյանի թանգարանը 2017թ. մայիս ամիսը հայտարարում է Պինոկիոյի ամիս: 31 տաք օրերի ընթացքում թանգարանը կխոսի Կարլո Կոլոդիի հրաշալի ստեղծագործության մասին, կքննարկի այն, կվերակերտի հեքիաթի հերոսների շուրջ ծավալվող իրադարձությունները: Այսպիսով` ուսումնական տարվա ավարտը երեխաների համար կդառան անմոռանալի, և ամառային արձակուրդները կսկսվեն ուրախ և թեթև տրամադրությամբ: Հույս ունենք, որ սա առաջին գեղեցիկ քայլը կլինի կրթամշակութային կամուրջ կառուցելու Հայաստանից Իտալիա, կամ ավելի ճիշտ ` Տոսկանա` Կոլլոդի բնակավայր:

Մենք ձևակերպել ենք մեր ծրագրի նպատակը այսպես` «Հյուսելով ընկերություն»: Ընկերություն ծրագրի փոքրիկ և պատանի շահառուների և փայտե տիկնիկի միջև, ինչպես նաև ընկերություն ինստիտուցիոնալ իմաստով` Հովհ. Թումանյանի թանգարանի և Կոլոդիի ծննդավայրի միջև` ծանոթացնելով Թումանյանի հեքիաթների հերոսներին իտալացի փոքրիկ և պատանի շահառուներին: Վստահ ենք, որ երեխաները, որոնք ապրում են տարբեր երկրներում, միմյանց կարիքն ունեն` լայնացնելու համար աշխարհընկալումը, խորացնելու գիտելիքները, նոր փորձ ձեռք բերելու, գտնելու միմյանց մշակույթների նմանություններն ու տարբերությունները, հարգանք տածելու միմյանց նկատմամբ և հարստանալու:

Մեկ ամսվա ընթացում ծրագրվում է իրականացնել մի շարք մրցույթներ և ակցիաներ, ֆլեշմոբեր:

Ծրագրի առաջին նպատակը ընթերցանության խրախուսումն է:
Պինոկիոյի շուրջ ծավալվող իրադարձությունների ակտիվ մասնակիցները ՀՀ մարզերի երեխաներն են: Նրանք մրցութային տարբեր հարթակներում ներկայացնելու են իրենց վարպետությունն ու հնարամտությունը:

Պինոքիոյի օրերի ընթացքում երեխաները պիտի փորձեն՝

• Հայկական հեքիաթներում գտնել նմանատիպ հերոս
• Ճամփորդել Հայաստանի մարզերով և ծանոթացնել Պինոկիոյին
• Ձևափոխել Պինոկիոյի արտաքինը հայկականի
• Հեքիաթի հերոսների բնավորությունների և վարքի հիման վրա գրել անեկդոտների ժողովածու
• Հայերենում շատ ասացվածքներ կան, որտեղ “քիթը” հիմնական բնորոշիչն է: Փորձել գտնել դրանց իտալական տարբերակները և ստեղծել հայ-իտալական գեղեցիկ, նկարազարդ համցանցային գիրք
• Ուրախանալ և զվարճանալ, սովորել Պինոկիոյից, հաշվի առնել նրա վարքը և ձախողումները
• Ընտրել Թումանյանի այն հեքիաթները, որոնք ամենից հարմարը կլինեն իտալացի երեխաներին ներկայացնելու համար

Ծրագիրն իրականացնելու համար թանգարանին են միացել Հայաստանի մանուկներ հիմնադրամը (COAF), Վորլդ Վիժն Հայաստան կազմակերպությունը (World Vision Armenia) իրենց մարզային կառույցներով:

Շողակաթ հեռուստաընկերությունը, <<Երևանյան միջոցառումներ>> /Yerevan Events/ իրենց տեղեկատվական միջոցներով:

DOUBLE TREE by HILTON հյուրանոցը, Գյումրիում Իտալիայի հանրապետության հյուպատոսությունը, Հ. Իգիթյանի անվ. ԳԱԿ <<Մետրո>> թատրոնը:
Պինոկիոյի և հայ երեխաների ընկերությունը պաշտոնապես կսկսենք հյուսել ապրիլի 30-ին, ժամը՝ -12.00 DOUBLE TREE by HILTON հյուրանոցի Միլանո սրահում: