«Փոս փորողը փոսն է ընկնում»
Նիկոլ Փաշինյանը ինքն իր ձեռքով խառնեց իր խաղաքարտերը, երբ օրերս հայտարարեց, որ « Իսկանդերը»10%-ով է գործել։ Այդպիսով նա կտրեց Ռուսաստանի հետ իրեն կապող այն «պարանըօ, որը իրեն պահում էր։
Շատերը այս օրերին Փաշինյանի տված գնահատականը «Իսկանդերի» վերաբերյալ վերագրում են նրա ոչ կոմպիտենտ լինելուն, անհեռատեսությանը, ոմանք էլ ցնդաբանություն են համարում, մինչ դեռ իրականությունը ավելի դաժան է։ «Իսկանդերի« որակը կասկածի տակ դնելով Փաշինյանը «ջուր է լցնում» ՌԴ-ի հակառակորդների ջրաղացին։ Հատկապես, եթե նկատի ունենանք, որ եվրոպական մի քանի երկրներից ՌԴ-ի դեսպանները վերադառնում են Ռուսաստան, ապա բոլորովին էլ բացառված չէ, որ Փաշինյանի վերը նշված միտքը ոչ այլ-ինչ լինի, քան անգլո-ամերիկյան կամ եվրոպական որոշ երկրների շահերի սպասարկման լավ կազմակերպված ծրագրերից մեկը։ Այդպիսով իսկ աշխարհին փորձ է արվում հասկացնել, որ ռուսական «Իսկանդերի» ձեռքբերումը անիմաստ ծախսերի վատնում է։ Այլ կերպ ասաց միտումնավոր ռազմատնտեսական հարված է հասցվում Ռուսաստանին Նիկոլ Փաշինյանի ձեռքերով։
Ասել, որ դա նա անում է չհասկանալով, մեղմ ասաց անհեթեթություն կլինի, քանի որ իրադարձությունները փաստում են, որ Փաշինյանի իշխանությունը անմտածված որևէ քայլ չի արել և չի անում։ Այլ բան է, որ այդ քայլերը վտանգում է Հայաստանի պետությանը և ինչու ոչ նաև հարվածում Ռուսաստանին։ Այլ կերպ ասաց այս երկու տարի ինը ամսում «նոր Հայաստանի» նոր իշխանությունները աշխատում են և սպասարկում են այլ պետությունների շահերը։
Իհարկե բոլորովին էլ չի բացառվում, որ Փաշինյանը մի քանի օր հետո հայտարարի, որ ինքը «Իսկանդերի» մասին խոսելիս մեկ այլ բան է ուզել ասել՝ իր սովորության համաձայն։ Նախկինում երկար տարիներ լինելով գլխավոր խմբագիր, նա շատ լավ է հասկանում, որ կարևոր տեղեկատվությունը հրապարակելուց հետո՝ հերքմանը ուշադրություն դարձնողները քիչ են։ Սակայն այս անգամ Փաշինյանի հաշվարկները ձախողվեցին, քանի որ այս անգամ նա անցավ կարմիր գիծը և փորձեց մատների վրա խաղացնել Ռուսաստանին։ Բայց ինչպես ասում են «փոս փորողը փոսն է ընկնում»։ Ըստ ամենայնի այդ վտանգը շատ շոշափելի է Փաշինյանի համար, քանի որ կառավարությունը հերթական ապատեղեկատվությունը տարածեց, ըստ որի ՌԴ նախագահ Վլադիմի Պուտինը Փաշինյանի հետ հեռախոսազրույցում իր աջակցությունն է հայտնել՝ սուտ և նորից սուտ։ Սուտ, որը այս վերջին երեք տարում քանդեց Հայաստանը։ Ամեն դեպքում Կրեմլի մամուլի խոսնակը անմիջապես հերքեց ՀՀ կառավարության այդ ապատեղեկատվությունը։ Իհարկե, Փաշինյանը շատ կցանկանար, որ ՌԴ նախագահը այս օրերին իրեն հայտներ իր աջակցությունը։ Եվ հավանաբար սրանով է պայմանավորված, որ կառավարությունը փորձում է ցանկալին իրականության տեղ ներկայացնել։ Բայց ինչպես ասում են համբերության բաժակնել լցվելու հատկություն ունի։
Ըստ էության փետրիվարի 25-ին, երբ ԶՈՒ ԳՇ հրամանատարները պահանջեցին կառավարության հրաժարականը՝ ՀՀ կառավարությանը առաջինը պաշտոնապես պաշտպանեց Թուրքիան, նշելով որ դատապարտում է Հայաստանում հեղաշրջման փորձը։ Այդպիսով իսկ Թուրքիան անուղղակիորեն հայտարարեց, որ Ադրբեջանից հետո իր կրտսեր եղբայրը ՀՀ այսօրվա իշխանությունն է և միևնույն ժամանակ բացահայտեց Հայաստանի պարտության, դավադրության սխեման։ Եվ մինչ Նիկոլ Փաշինյանը հայտարարում է ռուսական նորագույն զինտեխնիկայի «անորակության» մասին՝ Ալիևը առանձնակի գովաբանում է ռուսական զինտեխնիկայի որակը և հատկապես ՍՈՒ օդանավերը։
Ժասմին Վիլյան