Փաստորեն, այս ապաշնորհ վարչակազմն ամեն ինչ անում է իրենց և Գլխավոր Հողատուի վերարտադրության համար

Ասում են, որ ԱԺ-ի «Իրենց քայլը» խմբակցության ներսում շրջանառվում է Սահմանադրության փոփոխությունների մի նախագիծ, որն ընդունելու դեպքում Ազգային ժողովը կարող է ինքնալուծարվել:

 

Սա ՀՀ գերագույն գլխավոր մանիպուլյատորի և իր խմբակի հերթական «շուստրիությունը» և «կրուտիտն» է...

 

Փոփոխության նպատակը Սահմանադրության 92-րդ հոդվածում այնպիսի լրացում կատարելն է, որի համաձայն՝ Ազգային ժողովի արտահերթ ընտրությունը պետք է անցկացվի նաև ԱԺ-ի առնվազն երեք հինգերորդով ընդունված որոշմամբ այն արձակվելու դեպքում:

 

Ցանկություն ունեն ամրագրել նաև, որ Ազգային ժողովի արտահերթ ընտրությունն անցկացվում է Ազգային ժողովի արձակվելուց ոչ շուտ, քան քառասուն, և ոչ ուշ, քան հիսունհինգ օր հետո:

 

Մինչդեռ, ինչպես գիտեք, գործող Սահմանադրությամբ խորհրդարանական արտահերթ ընտրություն նշանակվում է միայն այն դեպքում, երբ վարչապետի հրաժարականից հետո 2 անգամ 7-օրյա ժամկետում Ազգային ժողովը պատգամավորների ընդհանուր թվի ձայների մեծամասնությամբ չի ընտրում նոր վարչապետ: