Պուտինն իր ելույթում կիրառել է «վարչապետն ու նրա թիմը» արտահայտությունը՝ խուսափելով «Հայաստանի իշխանություններ» սահմանումը

Քանի որ շարունակաբար աճում է Փաշինայանի աջակցության մասին Պուտինի հայտարարությամբ ոգևորվորվածների շրջանակը, անհրաժեշտ եմ համարում կանգ առնել հետևյալ նրբության վրա:

Պուտինն իր ելույթում կիրառել է «վարչապետն ու նրա թիմը» արտահայտությունը՝ խուսափելով «Հայաստանի իշխանություններ», առավել ևս «Հայաստանի լեգիտիմ իշխանություններ» սահանումները: Վերջինս հատկապես կարևոր է՝ հաշվի առնելով տարբեր աստիճանի ճգնաժամային իրավիճակներում Պուտինի գնահատականները՝ տրված, օրինակ, Սիրիայի, Լիբիայի, Բելառուսի կամ Ուկրաինայի իշխանություններին: Ուսումնասիրեք ՌԴ նախագահի արտաքին քաղաքական խոսույթը ու կհասկանաք, որ նրա քաղաքական լեզվամտածողության մեջ «թիմը» չունի համակարգի նշանակություն: Խոշոր հաշվով, դա բացասական գնահատական է: Եթե ուզում եք՝ վիրավորանք:

Առավել քան կարևոր է հասկանալ հայտարարության ենթատեքստը, որն իրականում կառուցված էր Փաշինյանին ու նրա թիմակիցներին աջակցության ցուցաբերելու դրույթի վրա՝ բացառապես նոյեմբերի 9-ին ստորագրված փաստաթղթի կետերի իմպլեմետացման նպատակով:

Հետևաբար, Փաշինյանն այլևս դիտվում է Մոսկվայի կողմից որպես ժամանակավոր վարչապետ, որին ապագայում գուցե տրվեն որոշակի անձնական անվտանգության երաշխիքներ:

Դիտելով ՀԱՊԿ-ի գագաթնաժողովում Փաշինյանի վախվորած «ելույթը»՝ դժվար չէ հասկանալ, որ նա ինքն էլ է դա քաջ գիտակցում:

Քաղաքագետ Վահե Դավթյանի ֆեյսբուքյան էջից