Այս իշխանությունն ունակ չէ այս հարցերի շուրջ վարել մեր պետության շահերից բխող բանակցություններ. ուստի նա անմիջապես պետք է հեռանա. պատգամավորը Սյունիքում վտանգների մասին
Դիտել նաև
Ֆրանսիայի դեսպանը այցելելու է Սյունիք
Իրանն ու Իսրայելը մոտ են նոր պատերազմի. Ի՞նչ կլինի Սյունիքի հետ, եթե Փաշինյանը մնա իշխանության ղեկին
Ի՞նչ նոր տարանցիկ ճանապարհներ են սարքվում Սյունիքում Ադրբեջանի և Թուրքիայի համար / հայացք ներսից (տեսանյութ)
Կյանքը՝ թշնամու մշտական նշանառության տակ. Ներքին Հանդ մեկ տարի է, ինչ իշխանություններից ոչ մեկը չի եղել. (տեսանյութ)
Փաշինյանը հող պահո՞ղ է, դե թող պահեր. Արցախը հանձնելուց հետո Հայաստանն էլ չի կարողանում պահել. Աննա Գրիգորյան (տեսանյութ)
Սիրելի՛ հայրենակիցներ,
Սիրելի՛ ժողովուրդ,
Ինչպես և նախորդ օրը հայտնել եմ, լրջագույն վտանգ է կախված մեր պետության հարավային դարպասի՝ Սյունիք աշխարհի վրա, որը պայմանավորված է մի կողմից Զանգելանում և Կուբաթլիում ադրբեջանական զինուժի ահռելի ծավալներով կուտակմամբ, մյուս կողմից՝ Նախիջևանում թուրքական և ադրբեջանական զինված ուժերի տեղակայմամբ, որոնք նաև հետևելու են այս օրերին սպասվող այսպես կոչված GPS-ային սահմանազատման գործընթացին:
Միայն Գորիսի տարածաշրջանում այնպիսի գյուղեր, ինչպիսիք են Կոռնիձորը, Խնածախը, Տեղը, Խնձորեսկը և այլ բնակավայրեր, ըստ էության անմիջականորեն գտնվելով դեմարկացիայի եզրին, կարճ ժամանակում կարող են իսպառ դատարկվել, իսկ փաստացի այդ սահմանազատումից հետո՝ կորցնել հազարավոր հեկտարներով իրենց համայնքներին պատկանող հողատարածքներ:
Նմանատիպ լրջագույն խնդիր է նաև Կապանի օդանավակայանի հետ կապված հարցը, որի թռիչքուղու տարածքն անմիջականորեն հարում է GPS-ային սահմանին, իսկ դա նշանակում է, որ այդ օդանավակայանը երբևիցե չի կարող շահագործվել:
Հիշեցնենք, որ խորհրդային տարիներին Կապանի օդանավակայանի հողատարածքի վրա էր գտնվում ադրբեջանաբնակ Աղաքենդ կոչվող բնակավայրը:
Սյունիքի մարզում կան նաև այլ նմանատիպ լրջագույն խնդիրներ:
Սիրելի՛ հայրենակիցներ,
Այս իշխանությունն ունակ չէ այս հարցերի շուրջ վարել մեր պետության շահերից բխող բանակցություններ: Ուստի նա անմիջապես պետք է հեռանա:
Սյունիքը պետք է փրկվի:
Հ.Գ. Երբ տեղադրում էի իմ այս գրառումը, տեսա Սյունիքի մարզպետ Հունան Պողոսյանի հայտարարությունը՝ «Չկարողացա և չեմ կարող համակերպվել այս իրողությունների հետ»:
Ըստ էության սրանով ամեն ինչ ասված է:
ՀՀ ԱԺ «Բարգավաճ Հայաստան» խմբակցության պատգամավոր
Միքայել Մելքումյանի ֆեյսբուքյան էջից