Ուշադրություն. Հայաստանի խորհրդարանում կատարվել է կոլեկտիվ հանցագործություն
ՀՀ Ազգային ժողովը չընդունեց սեպտեմբերի 27-ից Հայաստանի Հանրապետությունում հայտարարված ռազմական դրությունը վերացնելու մասին որոշման նախագիծը: Այն չընդունվեց 36 «կողմ», 56 «դեմ» և 2 «ձեռնպահ» ձայներով:
Ռազմական դրությունը վերացնելու Ազգային ժողովի որոշման նախագիծ էր ներկայացրել խորհրդարանի «Լուսավոր Հայաստան» խմբակցությունը:
Շատերը զարմանում են, թե ինչու է անհրաժեշտ ռազմական դրությունը երկարացնել պատերազմի ավարտից ավելի քան 15 օր հետո: Ինչու է անհրաժեշտ ռազմական իրավիճակը պահպանել մի իրավիճակում, երբ պատերազմի օրերին վարչապետն անձամբ դադարեցրեց լրահամալրումը:
Պատասխանն ակնհայտ է. Թույլ չտալ ընդդիմությանը առաջնորդել քաղաքական գործընթացը և քաղաքական քայլերով, առանց ցնցումների և գործող Սահմանադրության շրջանակներում իրականացնել իշխանափոխություն:
Այն փաստը, որ Նիկոլ Փաշինյանը բոլոր հնարավոր եղանակներով կառչելու է իշխանությունից, ակնհայտ է: Միայն այս ճանապարհով և միայն հարյուրավոր անվտանգության աշխատակիցներով շրջապատված լինելով՝ Փաշինյանը կարող է ապահովել իր անձնական անվտանգությունը: Այնուամենայնիվ, անհասկանալի են այն դրդապատճառը, որոնք ստիպում են «Իմ քայլը» խմբակցության 56 պատգամավորներին աջակցել մի ռեժիմի, որն ապրում է իր վերջին ժամերը:
«Իմ քայլը» խմբակցության պատգամավորները, աջակցելով ռազմական դրության երկարացում, կոլեկտիվ հանցագործություն են կատարում հենց Ազգային ժողովի դահլիճում: Այս առումով նրանք պետք է հասկանան, որ կոլեկտիվ հանցագործություն կատարելու համար պատիժը լինելու է անհատական: Եվ եթե նրանք ցանկանում են իրենց առաջնորդի հետ «սուզվել», ապա ընտրությունն իրենցն է:
Սակայն պատմությունը դեռ հնարավորություն է տալիս: Այն հնարավորություն է տալիս Փաշինյանին հեռանալ «հումանիտար միջանցքով», իսկ իր խմբակցության պատգամավորներին հնարավորություն է տրվում խուսափել լիակատար «սուզվելուց» և իրենց գործունեության հետագա քրեաիրավական գնահատականից:
Սևակ Դանիելյան