Բիզնես սկսելը հեշտացել է
Ներկայումս, բիզնես սկսելը և բիզնեսով զբաղվելը բավականին հեշտացել է: Պատճառները բազմաթիվ են: : Օրինակ, օրենսդրական առումով հիմա հնարավոր է բիզնեսի գրանցումը 1-3 օրերի ընթացքում: Հաջորդը, հաշվի առնելով գլոբալ զարգացումները աշխարհի ամենափոքր երկրում հինադրված բիզնեսի համար հավանական շուկա կարող է հանդիսանալ ամբողջ աշխարհը` 7 միլիարդ մարդ: Կարևոր գործոն է նաև ահռելի քանակությամբ տեղեկատվության առկայությունը, ի շնորհիվ համացանցի զարգացման:
Ավելի հեշտացել է գտնել գաղափարակիցներ և կազմել թիմ, որն առաջ կտանի բիզնեսը: Շատ են օրինակներ, երբ արտասահմանցի գործընկերոջ հետ իրականացվում են տարբեր նախագծեր: Ֆինանսների առակայության գործոնը բիզնես սկսելու առումով բավականին նվազել է ու այն չի համարվում առաջնահերթություն: Նաև. հազարավոր բիզնեսներ հաջողությամբ գործում են առանց գրասենյակի ու գրասենյակի առկայության կարևորությունը նվազում է:
Մեծ թվով հնարավորություններ են ստեղծվել գլոբալ օնլայն հարթակների կողմից, մասնավորապես Amazon,Ebay, Alibaba: Գրանցվիր և զբաղվիր բիզնեսով: Ավելին, ներկայումս շատ տարածված է և համարվում է նորմալ "փորձել, չհաջողվեց, կրկին փորձել" մոտեցումը:
Սամվել Գևորգյանի ֆեյսբուքյան էջից