Լեռնային Ղարաբաղում զենքերը լռեցին, այժմ աշխատում ենք մշակութային զինադադարի համար․ Մակրոն
Լեռնային Ղարաբաղում զենքերը լռեցին։ Այժմ աշխատում ենք ժառանգության և մշակութային զինադադարի համար։ Թվիթերի իր էջում գրել է Ֆրանսիայի նախագահ Էմանուել Մակրոնը։
«Ղարաբաղում զենքերը լռեցին: Մենք այժմ աշխատում ենք ժառանգության և մշակութային զինադադարի համար, Հայաստանի, Ադրբեջանի, Մինսկի խմբի մեր գործընկերների հետ միասին՝ պահպանելու և վերականգնելու ամբողջ տարածաշրջանի բազմազանությունն ու հարստությունը»,- գրել է Մակրոնը:
Մակրոնն ասել է, որ Ֆրանսիան պատրաստ է ներդնել իր փորձը և լիակատար աջակցություն ցուցաբերել Լեռնային Ղարաբաղի և նրա շրջակայքի մշակութային և կրոնական ժառանգության պաշտպանություն գործում:
«Ֆրանսիան ՅՈՒՆԵՍԿՕ-ի շրջանակներում և Հակամարտություններում ժառանգության պաշտպանության դաշինքի հետ պատրաստ է ներդնել իր փորձը և լիակատար աջակցություն ցուցաբերել Լեռնային Ղարաբաղի և նրա շրջակայքի մշակութային և կրոնական ժառանգության պաշտպանություն գործում»,- գրել է Ֆրանսիայի նախագահը:
Zham.am