Գերմանիան երկու միլիոն եվրո կհատկացնի Լեռնային Ղարաբաղին օգնելու համար
Գերմանիան երկու միլիոն եվրո կհատկացնի Կարմիր խաչի միջազգային կոմիտեին (ԿԽՄԿ)՝ Լեռնային Ղարաբաղին մարդասիրական օգնություն ցուցաբերելու համար:
Այս մասին հայտարարել է Գերմանիայի արտաքին գործերի նախարար Հայկո Մաասը, հայտնում է Times Now-ն:
«Կարմիր խաչը, որը ներկայումս միակ մարդասիրական կազմակերպությունն է, որը մուտք ունի դեպի հակամարտությունից տուժած տարածաշրջան, խնդրել է միջազգային հանրությանը 9 միլիոն եվրո տրամադրել շտապ օգնության կարգով: Գերմանիան կտրամադրի 2 միլիոն եվրո»,- ասել է Մաասը:
Նախարարը շեշտել է, որ մոտենում է ձմեռը, և Լեռնային Ղարաբաղը բախվելու է սննդամթերքի մատակարարման հետ կապված աճող խնդիրներին:
Մաասը նաև կոչ է արել Հայաստանին և Ադրբեջանին դադարեցնել ռազմական գործողությունները առանց որևէ նախապայմանի՝ ավելացնելով, որ միջազգային հանրությունը պետք է ճնշում գործադրի պատերազմող կողմերի վրա:
Zham.am