Այլևս չկա կանխատեսելի համաշխարհային կարգ ու չկան այս, կամ այն հարցի հզոր երաշխավորներ

29 Հոկտեմբեր, 2020 19:48

Դիտել նաև

Հայաստանը հիմա ճիշտ այն վիճակում է, ինչը եղել է Արցախում 90-ականների սկզբին․ Ստեփան Դանիելյան Իսրայելի ստրատեգիական հովանավորն ԱՄՆ-ն, Իրանին պատասխան հարված չի հասցրել. Ստեփան Դանիելյան ԵՄ վախը Հայտնել է, որ 4 գյուղերը պետք է անհապաղ հանձնել, այլապես պատերազմ կլինի․ Գառնիկ Դանիելյան 5-րդ դասարանի Մայրենիի դասագրքում ադրբեջանցի գրողի պատմվածքներ են տպվել

Պուտինի ելույթի այն հատվածը, որտեղ ասում է, որ 5, հետո 2 շրջանների (անորոշ ապագայով) վերադարձ, բայց Արցախի բնակչության ապահովության խնդրի լուծումը, որն, բնականաբար, չի կարող լինել Ադրբեջանի տիրապետության տակ, լուրջ քննարկման թեմա է դարձել:

Կարծում եմ, որ քննարկումն անիմաստ է: Անիմաստ է, որովհետև չենք գիտակցում, թե այս տարածաշրջանն ու աշխարհն ինչ վիճակում են:

Վիճակի թեզերը.

1. Տարածաշրջանն ու աշխարհը քաղաքակրթական բախման մեջ է ներքաշվում և ոչ միայն Արցախի, այլև Մերձավոր Արևելքի ու գուցե Եվրոպայի համար չկա կանխատեսելի ապագա: Ինչ պայմանավորվածություն էլ լինի, դա ժամանակավոր է:

2. Այլևս չկա կանխատեսելի համաշխարհային կարգ ու չկան այս, կամ այն հարցի հզոր երաշխավորներ:

3. Մեր խնդիրը ժամանակ շահելն է ու վերադասավորվել ներքին ու արտաքին աշխարհի դրությանը համապատասխան, ինչը փոփոխական է լինելու: Վերջ, այլևս հանգիստ կյանք չի լինելու ոչ մեզ, ոչ Ադրբեջանի, ոչ Ռուսաստանի, ոչ Թուրքիայի ու շատ-շատերի համար:

4. Տարածաշրջանում նոր Ստատուս Քվոյի ստեղծումը, ժամանակավոր, հիմա մեր գլխավոր խնդիրն է, հետո ժամանակը ցույց կտա:

Այս առումով նման քննարկումները տեղին չեն, ցանկացած լուծում ժամանակավոր է: Պետք է դսրանից օգտվել ու լուծել անհրաժեշտ խնդիրները, նայելով ապագային:

Ինչ վերաբերվում է մեր ապագային, ապա դրա կայուն լուծումը կլինի Քրդստանի ստեղծումն, որը նոր աշխարքաղաքական իրավիճակ կստեղծի մեր տարածաշրջանում ու մինչ այդ պահը պետք է ճիշտ քաղաքականություն վարել:

Քաղաքագետ Ստեփան Դանիելյանի ֆեյսբուքյան էջից