ՍԴ նախագահը մասնագիտական առումով և՛ ներսում, և՛ դրսում պետք է հեղինակություն լինի. Հրայր Թովմասյան. Տեսանյութ
«Ես իհարկե ունեմ դիրքորոշում և ասելիք ոչ միայն այս պրոցեսների, այլ շատ ու շատ խորքային պրոցեսների վերաբերյալ, որոնք ենթադրում են այլ ֆորմատով դժվար է պատասխանել»,- այս մասին ՍԴ նախագահի և փոխնախագահի ընտրությունից առաջ լրագրողների հետ զրույցում ասաց ՍԴ դատավոր Հրայր Թովմասյանը։
«Որևէ մի դատավորի հետ որևէ թեկնածություն չեմ քննարկել, կարող եմ ենթադրել, որոշակի անդամներ որոշակի քննարկումներ միմյանց հետ կատարում են, տեղյակ չեմ, խոստանում եմ քննարկումներ կլինեն՝ ո՞վ, ո՞ւմ առաջադրեց, քվեարկությունը գաղտնի է, դրա մասին դուք չեք իմանա։ Դարի հարց մի դարձրեք, անգամ օրվա հարց մի դարձրեք, որովհետև ՍԴ նախագահը իր ֆունկցիան իրականացնելիս ոչնչով չի տարբերվում ՍԴ մյուս դատավորներից,ունի մեկ առաքելություն՝ ՍԴ բնականոն գործունեությունը ապահովելու։ Սա քաղաքական ընտրություններ չեն, քաղաքական պայքար չէ, ինչ որ անձերի պայքար սա չպետք է դիտարկել, ներքին փոքրիկ պրոցեդուրա է , որն անցնում է»,- ասաց Թովմասյանը և հավելեց, որ իր քվեարկությունը կատարելուց դիտարկելու է թեկնածուների պրոֆեսիոնալ հատկանիշները, մարդկային հատկանիշները և վարչական-կազմակերպչական ունակությունները։
Մանրամասները՝ տեսանյութում:
Zham.am