Արման Բաբաջանյանը հասկանալի է, որ եզդի չի, սակայն պարզվում է, որ հայ էլ չի, բա ի՞նչ ազգի ներկայացուցիչ է ինքը
Ասում են անկախ պադգամավոր Արման Բաբաջանյանը իր ֆբ-ի էջում հայերի ու եզդիների հասցեին անասելի ատելությամբ, վիրավորանքներով ու սպառնալիքներով լեցուն ինչ որ գրառում է արել (հետո իհարկե հեռացրել է):
Հետաքրքիր է, ինքը իրեն ի՞նչ ազգի ներկայացուցիչ է համարում, որ հայերի ու եզդիների նկատմամբ այդպիսի գրառում է անում. հասկանալի է, որ եզդի չի (չնայած դա թույլ չի տալիս իրեն եզդիների նկատմամբ այդպիսի խտրական բաներ գրել), սակայն պարզվում է, որ հայ էլ չի, բա ի՞նչ ազգի ներկայացուցիչ է ինքը, չէ՞ որ նույնիսկ ամենաապազգային մարդիկ, որոնք իրենց աշխարհի քաղաքացի են համարում, այնուամենայնիվ իրենց նույնականացնում են այս կամ այն էթնոսի հետ, որովհետև ինչքան էլ կոսմոպոլիտ լինեն, միևնույնն է իրենց ծնողները ինչ որ ազգի ներկայացուցիչ են:
Ինչու՞ եմ անդրադառնում այս խնդրին, բանն այն է, որ մեր այսօրվա իշխանավորների մեծամասնությունը իրենց չեն նույնականացնում հայ ազգի հետ (չնայած որ կրում են հայի անուն-ազգանուն, խոսում են հայերեն ու ՀՀ քաղաքացիներ են), նրանք իրենց կոսմոպոլիտ են համարում, դա իրենց իրավունքն է իհարկե, բայց դրա մեջ կա մի շատ վտանգավոր բան, մենք Արևմտյան Եվրոպայում չենք ապրում, որտեղ պետությունները հիմնականում խաղաղ համակեցության մեջ են գտնվում, մենք ապրում ենք թշնամիների հարևանությամբ ու գտնվում ենք փաստացի պատերազմի մեջ Ադրբեջանի հետ: Այս պարագայում մեր երկրի ազգային անվտանգության համար լրջագույն խնդիր է դառնում այն հանգամանքը, որ մեր իշխանավորները (գոնե դրանց մի մասը) իրենց հայ չեն համարում, նրանք շատ հանգիստ կարող են հրաժարվել հայ ազգի ու հայկական պետականության շահերը սպասարկելուց և գործել ի օգուտ օտարների, այդպիսի մի պատմական էտապ արդեն ունեցել ենք, երբ 20-րդ դարի 20-ական ու 30-ական թվականներին հայ բոլշևիկները (որոնք նույնպես վարակված էին կոսմոպոլիտիզմի դրսևորումներից մեկի՝ ինտերնացիոնալիզմ կոչվածի բացիլով), լինելով իշխանություն Հայաստանում, ուղղակի գործում էին հայ ազգի շահերի դեմ:
Կարճ ասած, ոչ մի կերպ պատմությունից դասեր չենք քաղում:
Թորոս Ալեքսանյանի ֆեյսբուքյան էջից