Չնայած Հերոսի հանդեպ «պետության և ժողովրդի» այս անշնորհակալ վերաբերմունքին, այսօր նրա որդին՝ գեներալ Գրիգորի Խաչատուրովը պաշտպանում է մեր հայրենիքի սահմանը
Գեներալ-գնդապետ Յուրի Խաչատուրովի որդու՝ գեներալ Գրիգորի Խաչատուրովի հրամանատարությամբ ՀՀ ՊՆ 3-րդ բանակային կորպուսը հուլիսի 12-ից մինչ այս պահը փայլուն կերպով պաշտպանում է Հայաստանի պետական սահմանը: Թշնամին ունի թե մարդկային, թե զինամթերքի և թե տարածքային, դիրքային կորուստներ:
Յուրի Խաչատուրովին 2016 թվականից սկսած անվանարկում էին հայտնի ուժեր՝ նրան մեղադրելով թշնամու հարձակման պահին բիլիարդ խաղալու, հողերը ծախելու և այլնի մեջ, որն, իհարկե, հերքվեց: Բացի զրպարտություններից, բամբասանքներից՝ գեներալ-գնդապետ Յուրի Խաչատուրովը, ով 1992 թվականից իր կյանքն է նվիրել Հայրենիքի պաշտպանության գործին, անձամբ զբաղվել է ՀՀ ՊՆ գնդերի և կորպուսների ձևավորման և կայացման գործով, այսօր նստած է մեղադրյալի աթոռին:
Եվ չնայած Հերոսի հանդեպ «պետության և ժողովրդի» այս անշնորհակալ վերաբերմունքին, այսօր նրա որդին՝ գեներալ Գրիգորի Խաչատուրովը, ով կրում է հոր գենը՝ ուժեղ, հզոր, հայրենասեր, պաշտպանում է մեր հայրենիքի սահմանը: Նա պաշտպանում է Հայաստանի պետական սահմանը, որպեսզի հայ ազգը հանգիստ քնի, որպեսզի հայ մանուկները խաղաղ մանկություն ունենան, որպեսզի մենք հանգիստ զբոսնենք Երևանի փողոցներով ու սրճարաններում սուրճ խմենք, Սևանում ձուկ ուտենք և հմայվենք Հայկական բնաշխարհի չքնաղ տեսարաններով:
Երկար տարիներ նույնն է արել նաև Հերոս, Գեներալ-գնդապետ Յուրի Խաչատուրովը:
ԽՈՆԱՐՀՎԵՆՔ ՄԵՐ ԻՐԱԿԱՆ ՀԵՐՈՍՆԵՐԻ ԱՌԱՋ, ՀԱՐԳԵՆՔ ՆՐԱՆՑ և ԱՐԺԱՆԻ ԳՆԱՀԱՏԱԿԱՆ ՏԱՆՔ ՀԱՅ ԱԶԳԻ ՀԵՐՈՍ ԶԱՎԱԿՆԵՐԻՆ:
Դաստիարակենք մեր սերունդներին մեր հերոսների օրինակով. սա է հայ ազգի և հայկական պետականության պահպանման միակ գրավականը:
Անահիտ Սարգսյանի ֆեյսբուքյան էջից