Գետնանցումից դուրս եկած ծխողին ոստիկանները շարունակում են «չնկատել». Հիշեցնեմ, որ Նարեկ Սամսոնյանին բերման են ենթարկել փողոցում իր կազմակերպության գրասենյակի շքամուտքի մոտ դիմակն իջեցրած ծխելու համար
Դիտել նաև
«Ալիևը չի կարողանա այնպես փայլուն պաշտպանել Ադրբեջանի շահերը, ինչպես Նիկոլը». Վրթանեսյան
Սամվելը եթե քաղբանտարկյալ չէ, ապա միանշանակ քաղհալածյալ է․ Կարեն Վրթանեսյան
Ալենը ճիշտ կանի երկրից դուրս գա և ապահով ինչ-որ երկրից հայտարարի հրաժարականի մասին․ Վրթանեսյան
Կարեն Անդրեասյանը շատ հարցերում ավելի նիկոլական է, քան Նիկոլը. Ռուբեն Մելիքյան (տեսանյութ)
Պորտուգալիայի վարչապետը հրաժարական է տվել, քանի որ կասկած է եղել, որ կոռուպցիոն գործարքի մաս է. Վրթանեսյան
Երեկ
Աննա
ն ու ես մի տեսարանի վկա եղանք։ Երևանի ամենամեծ-ամենաաշխույժ կանգառներից մեկի մոտ ենք, երիտասարդ մի կին է կանգնած, հետը 5–6 տարեկան երեխա, կնոջ դիմակը՝ դնչին։ Մոտենում են երեք ոստիկան, տուգանում։Տուգանելու գործընթացը մոտ 10 րոպե է տևում, փաստաթղթերն են ստուգում, ինչ-որ բան են խոսում կնոջ հետ, հետո ակտ գրում և այլն։
Այդ ընթացքում կանգառից 7–8 մետր հեռավորության վրա 4 տաքսի է կանգնած, տաքսիստներն էլ ամեն մեկն իր մեքենայի բագաժնիկին հենված։ Չորսից երկուսը՝ դիմակներն իջացրած ծխում են ու հանգիստ հետևում ոստիկաններին։
Ոստիկանները տաքսիստներին «չեն նկատում»։
Այդ ընթացքում կողքի գետնանցումի խանութներից մեկի աշխատողն էլ է դուրս գալիս, նստում տաքսիստներից մի քանի մետր հեռավորության վրա, դիմակը հանում, դնում գրպանը, սկսում ծխել։ Ոստիկաններն իրեն էլ «չեն նկատում»։
Երիտասարդ կնոջը տուգանում, հանգիստ են թողնում։ Տաքսիստները դիմակները հագնում են։ Ոստիկանները մոտենում են, բարև-բարլուս անում, ոնց ես-ինչ ես-դե սենց-դե լավ էղեք, հաջող-մաջող։
Գետնանցումից դուրս եկած ծխողին ոստիկանները շարունակում են «չնկատել»։
Հ.Գ. Հիշեցնեմ, որ երեկ, թե երեկ չէ առաջին օրը Նարեկ Սամսոնյանին բերման են ենթարկել փողոցում իր կազմակերպության գրասենյակի շքամուտքի մոտ դիմակն իջեցրած ծխելու համար։