Համավարակի դեմ տարվող պայքարը պատրվակ է, որով խախտվում է ազատ խոսքի իրավունքը. Լարիսա Ալավերդյան
Տեղի ունեցածը խոսում է իշխանության անօգնական լիելու մասին, որովհետև իշխանությունը խախտում է իր իսկ կողմից ընդունած որոշումները, կարգերը. այս մասին Tert.am-ի հետ զրույցում ասաց ՀՀ առաջին ՄԻՊ Լարիսա Ալավերդյանը՝ անդրադառնալով «Արմնյուզ» հեռուստաընկերության նկատմամբ ոստիկանների կողմից վարչական վարույթ հարցելուն:
Նրա խոսքով՝ ոստիկանությունը, որը կատարում է իշխանության ապօրինի հրամանները, ևս պետք է պատասխանտվություն կրի, որովհետև կատարում է իշխանության ապօրինի հրամանները:
«Նման միջոցառումներն իշխանության կողմից, խոսում են այն մասին, որ նախկինում կոշտ, շատ անգամ անհիմն ընդդիմախոս հոդվածներով հանդես եկող լրագրողը, որն այսօրվա վարչապետն է, ցույց է տալիս, որ ինքը որևէ առումով չի դիմանում ազատ խոսքին: Այն ժամանակ էլ էր նրա խոսքն անազատ, այն ուներ այլ նպատակներ և խոսքի ազատության համար չէր: Այսօր նա է ամբողջովին պատասխանատվություն կրում երկրում կատարվող գործողությունների համար»,- ասաց Ալավերդյանը:
Tert.am-ի զրուցակցի խոսքով՝ «Արմնյուզ» հեռուստաընկերության հետ տեղի ունեցածը քննություն կլինի այն առումով, թե արդյո՞ք իշխանական ԶԼՄ-ները հանդես կգան կոշտ գնհատականով, որովհետև այս ամենը պազրապես խոսքի ազատության դեմ ակնհայտ և ցուցադրական ոտնձգություն է:
Դիտարկմանը, որ ըստ ոստիկանության մեկնաբանության՝ պարետի որոշումը չկատարելու համար է արվել և արդյո՞ք ճիշտ է սա համարել խոսքի ազատության դեմ ճնշում, Ալավերդյանն ասաց. «Նրանք նախապես որոշումով եկել էին վարույթ հարուցելու, այլ ոչ թե պարզելու՝ արդյոք համապատասխանում է այն տաղավարը չափանիշներին, որտեղից Աբրահամ Գասպարյանը վարում է իր հաղորդումները: Եթե իրենք իրենց գրասենյակնենրում նստած արդեն որոշում են կայացրել, դա կամակայանություն է, հակաօրինական գործունեություն է, ժողովրդավարության սրբության սրբոց՝ խոսքի ազատության դեմ»:
Ըստ Ալավերդյանի՝ Հայաստնում համավարակի դեմ պայքարի անվան տակ թույլ են տրվում կամայականություններ, որը պետք է հստակ հասկանալ: «Սա մեզ՝ բոլորիս համար է քննություն, այս տարիներին խոսքի ազատությունը մեր կարևոր ձեռքբերումներից էր, մտքի արտահայտման ազատությունն է, բայց այսօր ոտնահարվում է ամենակարևոր ազատություններից մեկը՝ կարծիք հայտնելու և խոսքի ազատությունը»,- ընդգծեց նա:
Ալավերդյանը ևս մեկ անգամ ընդգծեց, որ համավարակը միայն պատրվակ է՝ ճնշելու խոսքի ազատությունը: «Միապետության ձգտող կամ կամայական գործողություններ թույլ տվող ո՞ր իշխանությունն է ասում, որ այս կամ այն արարքը կատարում է խոսի ազատությունը ճնշելու համար, միշտ գտնվում է «առիթ, պատճառ, պատրվակ» և սա որևէ մեկիս չի կարող մոլորության մեջ գցել: Որևէ իշխանություն, երբևէ չի ասել, որ դեմ ենք մարդու իրավունքներին, բայց միշտ որևէ պատճառ գտնվում է»,- նշեց նա:
Հարցին՝ այս հանգամանքներում ՀՌԱՀ նախագահն ինչ-որ բան պե՞տք է ձեռնարկի, ինչ անելիք ունի այստեղ, քանի որ հենց Տիգրան Հակոբյանն էր ասել, որ պարտադիր չէ հեռուստահաղորդավարները դիմակ կրեն, Ալավերդյանն ասաց, որ ՀՌԱՀ նախագահն այն աստիճան գրագետ է, որ ինքը կցանկանար՝ նա գործի զուտ իրավունքի և օրենքի տառի և ոգու համաձայն: «Ինքը գիտի իր անելիքը, ես գիտեմ իր հմտությունները, ես երբեք ավելորդ բան չեմ ասի, ես կցանականամ, որ ինքն իր պրոֆեսիոնալ բարձրունքին գտնվի»,- շեշտեց բանախոսը: