Հանրապետության տոնի առթիվ մաղթում եմ, որ արժանապատիվ Հայը միշտ կարողանա հաղթել ու ճնշած պահել ներքին տականքին. Լուսանկար
Դիտել նաև
«Թուրքիայի հետ սիրախաղեր անելու` Նիկոլի գլխավոր պատճառն Անկարայի այս ծրագիրն է». Արտակ Զաքարյան
Երևանից նույնիսկ տասնյակ կմ հեռու բնակարանի 1 քմ-ն 320-500 հազար դրամ է․ ոչ թե՝ 200 հազար. Արտակ Բեգլարյան
Տրանսպորտը պետք է թանկանա. Արտակ Զեյնալյան
«Չի կարելի Նիկոլի վարչապետությամբ թույլ տալ արտահերթ ընտրություններ». Արտակ Զաքարյան
«Եթե վարչապետ Նիկոլը 2016-ի պատգամավոր Նիկոլի ձեռքն ընկներ, ամենավերջին հայհոյանքները կստանար». Զաքարյան
Սիրելի ֆեյսբուքյան ընկերներ,
անշուշտ յուրաքանչյուր տոն ունի իր խորհուրդը։
Հանրապետության օրվա խորհուրդն ինձ համար՝ պատմությունից դասեր քաղելու, անկախությունն ու ազատությունն արժևորելու, սեփական ուժերին ապավինելու, օտարի վրա հույս չդնելու, ազգային հարցերում հաշվենկատ, խելամիտ ու հեռատես լինելու, և համերաշխ ապրելու անհրաժեշտության մասին տոն է։
Պատմությունն իր բոլոր ոլորաններում ցույց է տվել, որ կոսմոպոլիտ, ապազգային, օտարամոլ, ուլտրալիբերալ, անհայրենիք, ներքին թշնամություն սերմանող հայի տականքն ամենամեծ վտանգն է եղել մեզ համար։ Նույն պատմությունը նաև ցույց է տվել, որ հայրենասեր, նվիրյալ, միաբան, ազգային արժեքներին հավատարիմ, ողջախոհ, կռվից չփախչող, հայրենիքը չլքող արժանապատիվ Հայն է եղել բոլոր համազգային հաղթանակների տերն ու զինվորը։
Հանրապետության տոնի առթիվ մաղթում եմ, որ արժանապատիվ Հայը միշտ կարողանա հաղթել ու ճնշած պահել ներքին տականքին։ Չտրվի նրա խարդավանքներին, կեղծիքին, օտարածին քարոզներին ու ազգակործան գործերին։
Տոնդ շնորհավոր արժանապատիվ Հայ։ Քո Հանրապետությունը՝ քո արժանապատվությունն է, և երբեք թույլ մի տուր, որ այն վտանգվի։
Չլիներ Հայաստանի առաջին Հանրապետությունը՝ ամենայն հավանականությամբ, չէր լինի նաև Հայաստանի սովետական սոցիալիստական հանրապետությունը, և դժվար թե վերածնվեր Հայաստանի երրորդ Հանրապետությունը։
Փա՜ռք ու պատիվ մեր հերոսներին.
կեցցե՛ անկախ պետականություն կերտած արժանապատիվ Հայը։
Արտակ Զաքարյանի ֆեյսբուքյան էջից