Դրությունը սարսափելի է Արսեն Թորոսյանն իր հայտարարություններով ՀՀ անվտանգության համար սպառնալիքներ է ստեղծում Գազի գինը որոշվում է քաղաքական ամենաբարձր մակարդակում՝ բանակցությունների ժամանակ, իսկ այս ասպարեզում ՀՀ-ն ՌԴ-ի հետ ունի ակնհայտ խնդիր
25
Լարված իրավիճակ Կապանում. տեղի են ունենում ձերբակալություններ, մեծ թվով ոստիկաններ են հավաքվել. Ուղիղ. Տեսանյութ. Լուսանկար ՀՀ առողջապահության նախարարությունից ներողություն են խնդրել Արսեն Թորոսյանի հայտարարության հետևանքով ստեղծված իրավիճակի համար. վրաց ԱԳ նախարար Հայաստանում հաստատվել է կորոնավիրուսով վարակվելու 359, մահվան՝ 5 նոր դեպք․ վարակվածների ընդհանուր թիվը 6661 է Փաշինյանի փող աշխատելու մոլուցքն անկառավարելի է, ՀՀ-ից մաքսանենգ ծխախոտով բեռնված նոր ինքնաթիռ է գնացել Սոչի, այնտեղից էլ՝ ՀՀ-ի կողմից չճանաչված Աբխազիա. Միքայել Մինասյան. Տեսանյութ Թբիլիսիից Արսեն Թորոսյանի հայտարարությունը որակել են ոչ դիվանագիտական ու զարմանալի Հեղափոխական և հակահեղափոխական չափալախներ Իմաստ չկա թաքցնելու վարակակիրների թիվը, Վրաստանում դեպքերը 728-ն են և վերջ. Թբիլիսիի Վարակաբանական հիվանդանոցի տնօրենի արձագանքը՝ Արսեն Թորոսյանին ՊԲ զորամասերից մեկի ուղղությամբ հակառակորդը ձեռնարկել է դիվերսիոն ներթափանցման փորձ Փաստաբան Տիգրան Աթանեսյանի ասուլիսը՝ իր տան և ընտանիքի անդամների վրա հարձակման մասին. Տեսանյութ Արա Գալոյան. ՀՆԱ-ն՝ համավարակի շեմին․ հեղափոխական փոփոխություններ չեն եղել Գլխավորը Կորոնավիրուսի մասին
Երկու օր առաջ 20 հոգու հետ նստել, քիթ-քթի տված, ուտում-խմում-ուրախանում էր, բաժակաճառեր ասում` դիմակի մասին չէր հիշում Սա կարող է ազդակ լինել, որ ահա այսպես են վարվելու բոլոր այն անձանց նկատմամբ, որոնք անհամաձայնություն են հայտնել կամ նոր իշխանությունների քիմքով չեն. Լ. Ալավերդյան Մի կողմից իշխանությունները մերժում են այլ հեռուստաընկերությունների հրավերները, մյուս կողմից նրանց մեղադում են միակողմանիություն ու կողմնապահության մեջ. «Մեդիա պաշտպան» Հզոր ամպրոպը մեր բիբլիական Արարատ լեռան լանջերին Ոստիկանությանը կոչ եմ անում ուժ չկիրառել Կապանում բողոքի խաղաղ ակցիա իրականացնող բնակչության դեմ Երեխան կարմիր գիծ է այ իդիոտներ, Կապանում ցուցարարների հանդեպ չփորձեք ուժ կիրառել. Նաիրա Զոհրաբյան «Հին Գյումրի»-ն ներկայացված է նամականիշների «Եվրոպա» ամենամյա մրցույթին Երկրի հակառակ կողմը. Լուսանկար Ոստիկանության զորքեր են շարժվել Կապան. Նարեկ Մալյան. Տեսանյութ Վերադարձ 90-ականներ. Սյունիքում ինչ-որ անհասկանալի բաներ են կատարվում Փաստորեն, Նիկոլի ընտանեկան թերթի կայքում պատկերված առանձնատունն էլ Սամվել Ալեքսանյանինն է. Լուսանկար Ունենք 230 ծանր և 52 ծայրահեղ ծանր պացիենտ. Արսեն Թորոսյանը հայտնեց ռեանիմացիոն մահճակալների թիվը Պարոն Փաշինյան, եկել է վեշերը հավաքելու եւ բնակարան վերադառնալու ժամանակը. Լուսանկար Եթե կորցրել ես ժողովրդի մեծամասնության աջակցությունը, դիմումդ գրելու «задержка»-ն ինչու՞մն է. Սամվել Ֆարմանյան. Տեսանյութ Երևանից ոստիկանական ուժեր են ուղարկվել Կապան Կրիմինալի ու կոռուպցիայի հետ կոմպրոմիս չի լինելու. Փաշինյանի կիրակնօրյա գրառումը Բոլոր ձերբակալվածներին բռնության են ենթարկել. Փարամազյանը դուրս եկավ ոստիկանությունից Կառավարումը գիլաս հավաքելու և անստորագիր հոդվածներ գրելու արանքում հիստերիկ լայվեր անելը չէ Ադրբեջանական հակահայկական քարոզչության արդյունքում՝ գերմանական տիրույթում գտնվող arzach.de կայքը, Արցախի ներկայացուցչի պաշտոնական էջը և մի շարք այլ էջեր փակվել են Գերմանիայի կողմից Սյունիքում դասական «рейдерский захват» է տեղի ունենում՝ Սիփան Փաշինյանի և Մաքսիմ Հակոբյանի որդիների հովանավորչությամբ Այս խոշտանգման հեղինակներն ու հրաման տվողները պետք է պատասխանատվության ենթարկվեն Կապանում ցուցարարները պահանջում են ՔՊ-ական փոխմարզպետի հրաժարականը Արտառոց իրավիճակ է. Հայաստանի Համայնքների Միություն՝ Կապանում և Քաջարանում տեղի ունեցածի մասին Դաժանաբար փակվելու է. Փաշինյանը՝ կորոնավիրուսի նոր բռնկման մասին. Տեսանյութ Պահանջում են Հունան Պողոսյանին. Կապանում դեռ լարված վիճակ է Գիշերը 4–ին զանգեցին տղայիս, 5–ին դուրս եկավ, դրանից հետո նրան չեմ տեսել. ձերբակալված քաջարանցու մայր Ընդդիմադիր պատգամավորի ծեծը վարչապետն արդարացրեց քաղաքականապես, իսկ ՀՔԾ-ն` իրավաբանորեն Մահացել է դերասանուհի Կարինե Բուռնազյանը «Արփի լիճ» ազգային պարկի անտառածածկ տարածքն ընդլայնվում է Օդի ջերմաստիճանը մայիսի 24-25-ը կնվազի 8-10 աստիճանով Քաջարանի ոստիկանությունում անազատության մեջ պահվող անձին առերևույթ խոշտանգելու փաստով անմիջապես քրեական գործ պետք է հարուցվի Սյունիքում ոստիկանությունը ձերբակալել և խոշտանգում է անհնազանդ համայնքապետերի մտերիմներին, գործեր են կարում նաև «Ադեկվադի» տեղի ներկայացուցիչների վրա Չե՛ք գտնի մի իշխանություն, որը չավարտված պատերազմի հերոսների համբավն արատավորող պայքար ծավալի և հովանավորի այն Նկարագրված տվյալների կապակցությամբ պետք է անմիջապես նախաձեռնվի քրեական գործ. ՄԻՊ-ը՝ Կապանում տեղի ունեցած միջադեպի առնչությամբ Երբևէ չեմ ներգրավվել քաղաքական ինտրիգների մեջ, տուրք չեմ տվել երկրում ծավալված քաղաքական խաղիկներին. Քաջարանի համայնքապետ Նիկոլի քավորի բարեկամների թալանած ասֆալտի գործից նորություն կա՞. Լուսանկար ԱԺ պատգամավոր եղած ժամանակ էս տանն ապրած մարդը գյուղացուն կոչ է անում կոկիկ լինել. Լուսանկար Երկակի ստանդարտների կիրառումը հիմք է տալիս մտածելու՝ Ստյոպան իշխանության հովանավորության ներքո է Տունս «թքել-կպցրել են», սա բա՞ն է, որ արել են, սրիկաներ. ինձ ասել են, նկարվի, ասա, որ քեզ փող ենք տվել, բայց ինձ ոչ մի կոպեկ չեն տվել. Արտուշ պապիկ. Տեսանյութ Դա իմ՝ որպես Արցախի Հանրապետության նախագահի, առաջին որոշումն է. Արայիկ Հարությունյան. Լուսանկար Լարված իրավիճակ Կապանում. տեղի են ունենում ձերբակալություններ, մեծ թվով ոստիկաններ են հավաքվել. Ուղիղ. Տեսանյութ. Լուսանկար Երևանում Հնդկաստանի 30-ամյա քաղաքացին ցած է նետվել 4-րդ հարկի պատուհանից Ոստիկանության Կապանի բաժնում տեղի ունեցածի առնչությամբ ոստիկանապետի հանձնարարությամբ ծառայողական քննություն է կատարվում ՀՀ առողջապահության նախարարությունից ներողություն են խնդրել Արսեն Թորոսյանի հայտարարության հետևանքով ստեղծված իրավիճակի համար. վրաց ԱԳ նախարար Վերաքննիչ քրեական դատարանում կա 16 դատավոր և 1 Արմեն Դանիելյան Պուրակը պատնեշած շուրջ 30 կրպակ է ապամոնտաժվում Արաբկիրում. Երևանի քաղաքապետարան Ոչ մի պետություն երբեք չի շարժվում այլ ազգի շահերով Արսեն Թորոսյանը ոչ թե ներողություն է խնդրել, այլ էլի գցել է մամուլի վրա Ագրեսիվ Նիկոլի մուննաթները... Ձեզնից սկսեք վեթինգը, պահպանեք հերթականությունը՝ օրենսդիր, գործադիր, հետո նոր՝ դատական

Ինչո՞ւ է Նիկոլ Փաշինյանն ուզում սպանել Ռոբերտ Քոչարյանին

Երեկվա դատարանի որոշումը՝ թողնել ՀՀ 2-րդ նախագահին կալանքի տակ, մեծ ռեզոնանս է առաջացրել ոչ միայն Հայաստանում, այլև արտերկրում: Այն, որ դատավորի փաստացի սադիստական որոշումը ոչ մի կապ չուներ հումանիզմի հետ, ակնհայտ է:  Իտալիայում այսօր նույնիսկ մաֆիայի պարագլուխներին են ազատում բանտերից, որպեսզի կորոնավիրուսի պայմաններում իշխանությունները նրանց հնարավոր վարակվածության պատճառով պատասխանատվություն չկրեն: Իսկ Հայաստանի «բոլորին սիրող» իշխանության արդարադատության նախարարը նշում է, որ «ոչ մի ողբերգություն չի տեսնում, եթե նույնիսկ կալանքի տակ գտնվողները վարակվեն...»: Ռուստամ Բադասյանի այս սադիստական տեսակետը ցույց է տալիս այն անբարոյական մթնոլորտը, որտեղ գործում է այս իշխանությունը և այն արդեն հասել է իր գագաթնակետին:

Ինչո՞ւ է Նիկոլ Փաշինյանն ուզում սպանել ՀՀ  2-րդ նախագահին: Հարցադրումը ենթադրում է ավելի ծավալուն վերլուծություն:

Այս առիթով հանրության մեջ կան կարծիք-միֆեր, որոնք իրականության հետ քիչ առնչություն ունեն կամ նրանց ազդեցությունը կա, սակայն մինիմալ է: Փորձենք վերլուծել այդ կարծիքները:

Առաջին վարկած. սա անձնական վենդետայի խնդիր է

Շատերի կարծիքով Փաշինյանի մոտիվացիան անձնական  է:

Սակայն սույն թեզը չի հիմնավորվում, երբ դիտարկում ենք, թե ինչ հարաբերություններ է ունեցել նա այլ գործիչների հետ:

Օրինակ,  այն անձնական նվաստացումները, որն իրականացրել են Սամվել Ալեքսանյանի թիկնապահները Փաշինյանների դեմ 2012- ի խորհրդարանական ընտրությունների նախընտրական արշավի ընթացքում, անհամեմատելի են նրա հետ, թե ինչ է զգացել Փաշինյանը, ասենք, ՀՀ 2-րդ նախագահի կառավարման ընթացքում: Այսօր Փաշինյաններն Ալեքսանյանին համարում են «իրենց սրտի օլիգարխը» և ամենուրեք նրա անձնական գովազդով են զբաղված:

 Իսկ Քոչարյանի կառավարման  ժամանակահատվածում Փաշինյանին հաջողվեց հայտնի մյուս օլիգարխի շնորհիվ «հաղթահարել աղքատությունն իր գլխում» և դառնալ հանրության  միջին դասի «կլասիկ» ներկայացուցիչ, ով նաև համատեղության կարգով «պայքարում էր» անարդարությունների դեմ: Ավելին, Ռոբերտ Քոչարյանը նրան չի ձերբակալել 2009-ին և նույնիսկ իր քաղաքական «հայրերը» բանտում չհայտնվեցին 1998-ից հետո, երբ այդ պահանջը առկա էր հանրության 99 տոկոսի մոտ:

Երկրորդ վարկած. Փաշինյանը վախենում է ՀՀ 2-րդ նախագահից

Սույն վարկածը նույնպես անհեթեթ է, քանզի Ռոբերտ Քոչարյանը երբեք հրապարակավ չէր հայտարարում, որ ուզում է վերադառնալ մեծ քաղաքականություն: Ավելին` նա մինչ այսօր էլ խոստովանում է, որ  չէր ուզում զբաղվել քաղաքականությամբ և այդ քաղաքականությունը իրեն կրկին ներքաշեց իր  մեջ: Այդ տեսանկյունից նշել, թե իբր Փաշինյանը վախենում էր Քոչարյանից, որ օգտվելով Պուտինի աջակցությունից կդառնար Փաշինյանի վտանգավոր մրցակիցը, համոզիչ չի թվում:

Բացի այդ ինքը՝ Փաշինյանը,  2018-ին ուներ մեծ վարկանիշ և դժվար թե մտածեր, թե նրան կարող էր  վտանգել ՀՀ 2-րդ նախագահը:

Երրորդ վարկած. Փաշինյանն ուզում է ՀՀ 2-րդ նախագահին դատելով լեգիտիմացնել իր պահվածքը 2008-ի մարտի 1-ին

Սույն թեզը նույնպես թույլ է, քանզի մարտի 1-ի էջի բացումը այդքան էլ շահավետ չէր Փաշինյանին: Նախ, եթե նա վերաբացում է 2008-ի գործը, ապա հարց է առաջանում, ինչո՞ւ չի բացահայտում 1996-ի գործը: Մանավանդ, որ երկու դեպքում էլ կատարվել էին իդենտիկ դեպքեր: Ավելին,  բումերանգի օրենքի համաձայն Փաշինյանի վարկանիշի անկման արդյունքում 1996-ի գործը անխուսափելիորեն բացվելու է: Դրանից չի կարողանալու խուսափել հաջորդ իշխանությունը, քանզի այդ դեպքում այդ իշխանությունը կարող է մեղադրվել կանխակալության մեջ: Այն, որ Փաշինյանի վարկի անկման արդյունքում հանրությունը «ցանկանալու է» վերհիշել 1996-ը ոչ թե պատմության հանդեպ սեր ունենալու համար, այլ որպես պատրվակ Փաշինյանին մեղադրանքներ ներկայացնելու համար: Այդպիսին են քաղաքականության դաժան օրենքները: Այնպես որ, 1996-ի «հերոսները» այսօրվանից  կարող են «պատրաստվել» այդ փուլին:

Չորրորդ վարկած. սպանվել է 10 մարդ և ուրեմն անհրաժեշտ է, որ լինի «քավության նոխազ»

Սույն վարկածը նույնպես առկա է, սակայն այն նույնպես գլխավորը չի կարող համարվել,  քանզի այդ 10 զոհերի պատասխանատուին դժվար է բացահայտել: Ավելին,  այսօր հանրությունը կարող է հավատալ Փաշինյանին, իսկ վաղը, երբ մարդիկ սկսեն վատ ապրել, նրանք կուզենան հավատալ, որ այդ 10 զոհերի մեղավորը հենց Փաշինյանն է եղել: Այդ տեսանկյունից նման մեղադրանքները, սովորաբար,  բումերանգի էֆեկտի համաձայն վերադառնում են մեղադրողներին, և սույն իրավիճակը Փաշինյանը չէր կարող չհասկանալ:

Պետք է նշել, որ վերը նշված բոլոր գործոնները իրենց ֆոնային դերը կատարել են, սակայն Փաշինյանի՝ Քոչարյանին պատժելու գլխավոր մոտիվացիան գտնվում է այլ տիրույթում:

                                          Ո՞րն  է այդ մոտիվացիան

Ռոբերտ Քոչարյանին «պատժելու» խնդիրը ունի ընդգծված աշխարհաքաղաքական բնույթ:

Բանն այն է, որ ԽՍՀՄ-ի փլուզումից հետո Արևմուտքում խնդիր էր դրված ամեն կերպ թուլացնել Ռուսաստանի ազդեցությունը նախկին ԽՍՀՄ-ի տարածքում: Իսկ դրա համար անչափ կարևոր էր, որ Արևմուտքում` Գերմանիան և Լեհաստանը, իսկ Հարավում`  Թուրքիան, կարողանային արժանիորեն մրցել Մոսկվայի հետ:

Սակայն 1994-ին Թուրքիայի դաշնակից Ադրբեջանը պարտվեց Հայաստանին, ով համարվում էր տարածաշրջանում Մոսկվայի միակ կայուն հենարանը: Պարտվելով ռազմական դաշտում՝ փորձ արվեց այս խնդիրը կոմպենսացնել դիվանագիտական ճակատում: Եվ 1997-ին «փուլային»  տարբերակով խնդիր էր դրվում «վերցնել» Հայաստանի հաղթանակը: Արևմուտքին այս «փուլային» տարբերակը այդքան էլ ձեռնտու չէր, քանզի դրանից  օգտվելու էր նաև Մոսկվան: Սակայն, որպես «չարյաց փոքրագույն» դիտարկվում էր, որ Բաքվի հետագա հզորացման արդյունքում`  օգտագործելով «նավթային» գործոնը, Հայաստանին  վերջնարդյունքում կպարտադրեն պարտություն, և ուրեմն կպարտվեր  նաև Մոսկվան: Արևմուտքում Հայաստանը համեմատվում էր բալկանների Սերբիայի հետ`  նշելով, որ հենց Երևանի ջանքերի շնորհիվ է, որ Մոսկվան կարողանում է պահպանել իր ազդեցությունը Անդրկովկասում:

Սակայն 1998-ին Վազգեն Սարգսյանը,  Ռոբերտ Քոչարյանը, Սերժ Սարգսյանի ու Սամվել Բաբայանի օգնությամբ մերժեցին «ինքնակամ հանձնվել» Ադրբեջանին:

Արևմուտքում և Թուրքիայում սույն փաստը չմոռացվեց: 1999-ին կատարվեց հոկտեմբերի 27-ը, որի շնորհիվ հնարավոր եղավ ոչ միայն «ազատվել» Վազգեն Սարգսյանից, այլև ստվեր գցել նաև 1998-ի իշխանափոխության մյուս անդամների վրա:

Գիտակցելով խաղի ողջ էությունը` Քոչարյանին  հաջողվեց  սիրաշահել Արևմուտքին Քի-Վեստում, որի արդյունքում հետագայում ստացավ Ղարաբաղի խնդրի լուծման համեմատաբար ոչ ադրբեջանամետ  «լեգիտիմ» որոշում:

2007-ին այս որոշումը միս ու արյուն ստացավ, սակայն  փաստացի ստանալով խնդրի «սառեցման» իրավունքը` Հայաստանը ակամայից թույլ չտվեց, որ Արևմուտքը  Մոսկվայի ազդեցությունը տարածաշրջանում թուլացնի:

Արևմուտքում հասկացան, որ այս տարածաշրջանում բոսնիական մոդելը չի կարող լիարժեք աշխատել, որի արդյունքում այստեղ առաջացավ «մոտեցման ճգնաժամ»: Արևմուտքը կորցրեց այն թելը, թե ինչպես կարող է լուծել Ղարաբաղի հարցը՝ միաժամանակ թուլացնելով Մոսկվայի ազդեցությունը տարածաշրջանի վրա:

2008-ը առիթ էր, որպեսզի «բաժանիր և տիրիր» սկզբունքը կիրառելով Հայաստանի ներքաղաքական դաշտում` Արևմուտքը կարողանար կորզել Երևանից զիջումներ թե ռուսների և թե Ղարաբաղի մասով:

Արդյունքում առաջ եկավ, այսպես կոչված, հայ-թուրքական հարաբերությունների հաշտեցման հարցը: Ենթադրվում էր, որ թուրքական «պատուհան» տրամադրելով Երևանին` Արևմուտքին կհաջողվեր Հայաստանին «պոկել» Մոսկվայից:

Սակայն թուրքերը վերջին պահին այդ «պատուհանը» հրաժարվեցին բացել՝ առաջ բերելով հայտնի նախապայմանները, որի արդյունքում   Ղարաբաղի հարցում Մոսկվան կրկին ստանում էր լուծման առավելություն:

Այս պարագայում Արևմուտքում ուժգին մեծացավ այն շրջանակաների տեսակետը, որի համաձայն տարածաշրջանում միանշանակ պիտի աջակցել Ադրբեջանին, որպեսզի նա ուժով կարողանա լուծել այս խնդիրը: Այս շրջանակները սերտորեն համագործակցում են նաև Անկարայի հետ: Հույս ունենալով, որ հայերի լիակատար պարտությունից հետո  տարածաշրջանը վերջնականապես կարելի կլինի «ազատագրել» ռուսական ազդեցությունից:

Այս ծրագրի իրականացման շրջանակներում Հայաստանում սկսվեց ակտիվ ֆինանսավորման գործընթացը՝ փաստացի Հայաստանի ոչնչացման 5-րդ շարասյան ձևավորման համար:

Օգտվելով Հայաստանում իշխանության լճացման վիճակից` այս ծրագիրը փաստացի իրագործվեց գրեթե 100 տոկոսով:

Այն ամբողջական միս ու արյուն ստացավ 2018-ից հետո:

Նոր իշխանության առջև դրվեցին հետևյալ խնդիրները` 

-         Դուրս բերել ռուսական ռազմաբազաները Հայաստանից

-         Ղարաբաղի հարցում էապես մեղմացնել դիրքորոշումները

-         Օժանդակել հեղափոխական շարժումները ԵԱՏՄ-ի ողջ տարածքում

-         Ջարդել, այսպես կոչված ղարաբաղյան ռազմաքաղաքական կլանը, որը թույլ կտա «լուծել» Ղարաբաղի խնդիրը`  զիջումներ կատարելով  Ադրբեջանին

-         Փակել կամ էաքպես թուլացնել Իրանի հետ հարաբերությունները

-    Թուլացնել Ռուսաստանի ռազմական, քաղաքական և տնտեսական ազդեցությունը Հայաստանում

-      Որպես արևմտյան գործոն`  ակտիվ խրախուսել Հայաստանում ԼԳԴԲ-ի համայնքին

-     Թուլացնել բոլոր տեսակի ավանդական կառույցները` ՀՅԴ-ին, Եկեղեցուն և մյուս այն կառույցներին, որոնք չեն ընդունելու «ոչ ստանդարտ» ավանգարդիստական մոտեցումները կյանքի բոլոր բնագավառներում՝ սկսած արժեհամակարգից, վերջացրած ղարաբաղյան խնդրի լուծումով

-  Կազմաքանդել բոլոր այն սիմվոլները, որոնք կապված կլինեն ղարաբաղյան պատերազմի, բանակի, պատերազմի հերոսների, ավանդապաշտության հետ:

Հասկանալի պատճառներով Փաշինյանն չէր կարող բոլոր այս պահանջները  միանգամից կյանքի կոչել:

Ուշադրություն դարձնենք այն հանգամանքի վրա, որ այսօրվա դաշտում Փաշինյանը ոչ մեկին քաղաքական գործընկեր չի համարում`  բացառությամբ «Սորոսի» հիմնադրամի: Վերջինիս էլ դիտարկում է  որպես բացառապես «փոքր գործընկերոջ» կարգավիճակով,  սակայն  դրսի գործընկերները այդ վերաբերմունքից դժգոհ են`  համարելով, որ իրենք, աջակցելով Փաշինյանին, իրենց բավարար պայմանները չեն կատարվել, օրինակ  բերելով Սաակաշվիլիին, ով իր իշխանության կորստի գնով կարողացավ դուրս բերել իր երկիրը Մոսկվայի ազդեցությունից:

Փաշինյանն այդ առումով հայտնվել է երկու քարի՝ Արևմուտքի և Մոսկվայի արանքում, փորձելով փոխզիջումային լուծումների ճանապարհով ընթանալ: Նա մի կողմից հայտարարում է, որ «իր հեղափոխությունը աշխարհաքաղաքական փոփոխության խնդիր իր առջև չի դնում»: Եվ որպես ապացույց նույնիսկ Սիրիա զորախումբ է ուղարկում, մերժում է դառնալ ԵԱՏՄ երկրներում հեղափոխական շարժումների աջակիցը, հայտարարում է, որ Ղարաբաղի հարցում Տեր-Պետրոսյանի ուղիով չի գնալու: Մյուս կողմից համաձայնվում է սկսել հերոսների վարկաբեկման, արցախյան պատերազմի սիմվոլների վարկաբեկման գործընթացը:

Հենց այդ համատեքստում պետք է դիտարկել նաև Ռոբերտ Քոչարյանին բանտում պահելու հանգամանքը: Փաշինյանը սույն գործոնը փորձում է «վաճառել» իր արևմտյան գործընկերներին`  որպես մեծ ձեռքբերում ղարաբաղյան կլանի կազմաքանդման հարցում: Շուշիի ազատագրման մասնակիցներին մայիսի 8-ին դատելը նույն շարքում պիտի դիտարկել:

Ղարաբաղյան պատերազմի մասին մաքսիմալ չխոսելը,  հերոսներին նվաստացնելը, նույնպես այս շարքից է: Մանվել Գրիգորյանին  որպես ԵԿՄ-ի սիմվոլ մինչև վերջ փչացնելը նույնպես այս շարքից է:

Այս շարքից է նաև ՀՅԴ-ին դիտարկելը`  որպես «սփյուռքի  կորումպացված կառույց»: Հայ դատի գրասենյակներին հարվածելը հենց նույն շարքից է: Այդ շարքից է նաև Վեհափառի դեմ արշավի անցկացումը: ԼԳԴԲ-ի համայնքի ներկայացուցյիչների հանդեպ իր ընդգծված դրական վերաբերմունքը նույնպես այդ խնդրի լուծման համար է:

Ռուսական ընկերությունների վրա գործեր բացելը, որոնք գործում են Հայաստանում, նույնպես այդ շարքից է:

Փաշինյանը չի կարող բացահայտ դուրս գալ Մոսկվայի դեմ ինչպես դա կատարեց Սաակաշվիլին, քանզի Հայաստանի աշխարհագրական դիրքն ու անվտանգության խնդիրները էապես են տարբերվում Վրաստանից:

Մյուս կողմից, բոլոր այն հարցերում, որտեղ Փաշինյանը կարող է համեմատաբար առանց մեծ և բացահայտ տեսանելի  վտանգի կատարել Արևմուտքի պահանջները, նա կատարում է: Օրինակ, ռազմաբազաների դուրս բերումը տեսանելի վտանգ է նույնիսկ հանրության պողոսական հատվածի համար: Իսկ օրինակ,  եկեղեցու, ՀՅԴ-ի վրա հարձակումները, ՀՀ 2-րդ նախագահին բանտում պահելը այդքան էլ տեսանելի վտանգներ չեն պողոսների համար: Մայիսի 8-ին Շուշիի հերոսների դատը նշանակելը արդեն կասկած է առաջացնում նույնիսկ հանրության պողոսական հատվածի մոտ: Փաշինյանն իր գործողություններում շարժվում է ոչ թե նախապես իր կողմից մշակված ծրագրով, այլ օրվա կուրսով առևտրի մեջ է գտնվում հիմնական կենտրոնների հետ:

              Ո՞րն են Արևմուտքի և Փաշինյանի նպատակները

Արևմուտքում հասկացել են, որ Փաշինյանը չի կարող նույնիսկ ցանկության դեպքում գնալ էական զիջումների Ղարաբաղի հարցում: Ավելին,   քանի կա Ղարաբաղի խնդիրը, Հայաստանը նույնիսկ տեսականորեն չի կարող թուլացնել իր կախվածությունը Մոսկվայից, և այդ իսկ պատճառով այստեղ այն կարծիքին են եկել, որ Ադրբեջանը պիտի «ինքնուրույն» ուժի միջոցով լուծի այս խնդիրը: Իսկ հայ հանրությանն էլ պետք է նախապատրաստել այդ գալիք պարտությունը դուրս գրել Մոսկվայի վրա:

Արդյունքում Արևմուտքը մեկ կրակոցով պատրաստվում է սպանել երկու նապաստակ: Մի կողմից աջակցել, որ Ադրբեջանը ուժով լուծի արցախյան հարցը, իսկ մյուս կողմից հայերի բողոքը ուղղի Մոսկվայի դեմ: Այդ պարագայում Հայաստանը կարող է կորցնել նաև Զանգեզուրը, բայց դա Արևմուտքին էլ ավելի է ձեռնտու, քանզի միանգամից կկատարվի նաև Թոլ Գոբլի երազանքը: Հայաստանյան 5-րդ շարասյան ներկայացուցիչները նույնպես շահած դուրս կգան: Նրանց հոնորարների քանակը կարող է մի քանի անգամ մեծանալ: Այստեղ պարտված կողմ կլինեն Հայաստանը, հայ ժողովուրդի 99 տոկոսը և Ռուսաստանը:

Մոսկվան մտահոգված է այս հանգամանքից, քանզի,  եթե ադրբեջանական բանակը գրավի Ղարաբաղը և նույնիսկ Հայաստանի մի մասը, ապա Բաքուն վերջնականապես կվերացնի ռուսական ազդեցությունը տարածաշրջանում`  ձեռքի հետ ավարտելով նաև 1915-ին սկած, սակայն չավարտած հայկական հարցը:

Արդյունքում Մոսկվան ոչ միայն կկորցնի իր ազդեցությունը տարածաշրջանում, այլև էապես կթուլանա իր ազդեցությունը Հյուսիսային Կովկասում  իր տարածքի թուրքալեզու հանրապետություններում:

Հաշվի առնելով այս ամենը, և այն, թե ինչ որակի իշխանություն է ձևավորվել Երևանում, Մոսկվան ցանկանում է հայերից ստանալ այնպիսի զիջումներ Ղարաբաղի հարցում, որից կարողանա օգտվել նաև ինքը՝ Մոսկվան, օրինակ, խաղաղապահ ուժեր տեղադրելով տարածաշրջանում:

Ինչ վերաբերվում է Փաշինյանին, ապա սա, լինելով քաղաքական դատարկություն, չունենալով ոչ մի ծրագրի  պատկերացում`  մերժելով բոլոր տեսակի «իզմերը», փորձում է սիրաշահել և Մոսկվային, և Արևմուտքին՝ վերը նշված պայմանները կատարելով:

Այդ տեսանկյունից ՀՀ 2-րդ նախագահին բանտում պահելը, հերոսներին նվաստացնելը, ղարաբաղցիներին «փչացնելը» մշտական բնույթ է կրելու, մինջև Հայաստանի համակարգային հարվածներ  ստանալը: Այդ ճանապարհով են գնացել նաև Փաշինյանի մյուս «կոլեգաները»` Գամսախուրդիան, Էլչիբեյը, Սաակաշվիլին: Նրանք բոլորն   առանց իրենց պետությանը լուրջ վնաս հասցնելու չեն հեռացվել իշխանությունից: Գամսախուրդիայի կառավարման ընթացքում Վրաստանը կորցրեց Հարավային Օսիան, Սաակաշվիլիի ժամանակ` նաև Աբխազիան, իսկ Էլչիբեյի կառավարման ընթացքում Ադրբեջանը կորցրեց Ղարաբաղից դուրս 7 շրջան:

Ինչպե՞ս կարելի է  Փաշինյանի կառավարման ընթացքում  խուսափել  Հայաստանի համար մեծ վնասներից.  հարցը հռետորական բնույթ ունի: Մենք ամեն ինչ պետք է անենք, որ այդ վնասը կամ չլինի, կամ էլ մինիմալ լինի, եթե հնարավոր չլինի ընդանրապես խուսափել այդ հանգամանքից:

Այդպիսի հարված է դիտարկվում նաև նոր պատերազմի վերսկսումը, սակայն կորոնավիրուսի ի հայտ գալը էապես կարող է խառնել  բոլորի խաղաքարտերը: Եվ այդ իմաստով կորոնավիրուսը կարող է մեզ համար յուրօրինակ փրկօղակ դառնալ, բայց կարող է և ավելի մեծ հարված լինել: Նայած թե Հայաստանում գործող հիմնական շրջանակները ինչ լրջությամբ կկարողանան մոտենալ այս խնդրին: Խնդիր, որից կախված է լինելու նաև Հայաստանի ապագան:

Սա է իրականությունը:

Արտակ Հակոբյան

 

 

 

Հետևեք մեզ Telegram-ում
Հետևեք մեզ YouTube-ում
Websiite by Sargssyan