Ինչպե՞ս Չինաստանը հաղթահարեց կորոնավիրուսը. մեկնաբանում է ՉԺՀ-ում ՀՀ դեսպանը. Տեսանյութ
Չինաստանում ՀՀ դեսպան Սերգեյ Մանասյանը Հանրային հեռուստաընկերությանը տված հեռավար հարցազրույցում հայտնել է, որ այժմ Չինաստանում իրավիճակը բավականին հանգիստ է.
«Մոտավորապես մեկ շաբաթ հետո նախատեսվում է բացել էպիկենտրոնը՝ Ուհան քաղաքը»,- նշել է նա:
Հարցին, թե ինչպիսի՞ն է կյանքը կորոնավիրուսից հետո, դեսպանը պատասխանել է.
«Մենք տեսնում ենք, որ քայլ առ քայլ վերադառնում է նորմալ կյանքը: Գործարանների զգալի մասն արդեն աշխատում է, իհարկե, կան գործարաններ դեռ չեն վերաբացվել: Հանրային սննդի կետերը, ռեստորաններն արդեն գործում են, բայց դեռ չի սկսվել դպրոցների և բուհերի աշխատանքը»:
Պատասխանելով հացրին, թե ինչպե՞ս Չինաստանը հաղթահարեց կորոնավիրուսը, Մանասյանն ասել է.
«Խորը համոզմունք ունեմ, որ Չինաստանում այս պայքարի հիմնասյունը չինացիների պատասխանատվության և կազմակերպվածության բարձր մակարդակն էր: Որևէ մեկի մտքով չէր անցնի փորձել խախտել այն կանոնները, որոնք սահմանված էին արտակարգ իրավիճակի ժամանակ»:
Մանրամասները՝ տեսանյութում: