ԱՀ նախագահական ընտրությունների արդյունքները: Արայիկ Հարությունյանին առաջին փուլով անցնելու համար չի բավականացրել շուրջ 300 ձայն
Ձեր ուշադրությանն ենք ներկայացնում Արցախում ընտրությունների արդյունքները: Թարմացումները գալիս են ամեն րոպե:
01.04.2020 - 11:20
Երկիր Մեդիա հեռուստաընկերությունը տեղեկացնում է, որ ըստ տեղամասերի ձայների հաշվարկի, առաջատարն է՝ նախագահի թեկանածու Արայիկ Հարությունյանը, երկրորդում՝ Մասիս Մայիլյանը եւ եռյակը եզրակափակում է Վիտալի Բալասանյանը:
Նախնական տեղեկություններով՝ Արայիկ Հարությունյանին առաջին փուլով անցնելու համար չի բավականացրել շուրջ 300 ձայն։ Բայց արդյունքները դեռ վերջնական չեն հրապարկվել։ Արցախցիների ընտրել են նաեւ խորհրդարանի նոր կազմը:
Ազգային ժողով են անցել «Ազատ Հայրենիք-ՔՄԴ» դաշինքը, «Միասնական հայրենիք», «Արդարություն», Արցախի ժողովրդավարական կուսկացություններն ու Հայ Յեղափոխական Դաշնակցությունը։
Հատկանշական է, որ նախագահական ընտրապայքարում երկրորդ տեղը զբաղեցնող Մասիս Մայիլյանի ոչ պաշտոնապես առաջնորդած «Նոր Արցախ» դաշինքը խորհրդարանական ընտրություններում չի հաղթահարել անցողի շեմը եւ ներկայացված չի լինելու ԱՀ Ազգային ժողովում։
01.04.2020 - 08:30
Hayeli.am-ի տվյալներով Արցախի նախագահական ընտրությունների տվյալների համաձայն Արայիկ Հարությունյանն առաջատարն է:
Մանրամասները` ավելի ուշ:
Ձայների հաշվարկը դեռ շարունակվում է:
01.04.2020 - 01:30
Այս պահի դրությամբ Արցախում մշակած քվեաթերթիկների արյդունքներով Արայիկ Հարությունյանն առաջատարն, նա ստացել է 33 000 ձայն:
«60 հազարից ավելի քվեաթերթիկ մշակվել է, դրանցից 33 000 ձայն ստացել է Արայիկ Հարությունյանը: Դեռ 15 000 քվեաթերթիկ պետք է մշակվի, որպեսի ընտրություններն առաջին փուլով ավարտվեն: Այս 15 000 մեզ 5 000 ձայն է պետք»,- նշեց «Ազատ Հայրենիք» կուսակցության ղեկավար, Արցախի նախագահի թեկնածու Արայիկ Հարությունյանի խոսնակ Վահրամ Պողոսյանը՝ ներկայացնելով Արցախի նախագահի ընտրության նախնական ցուցանիշները:
Նրա խոսքով՝ երկրորդ տեղում Մասիս Մայիլյանն է, նա ստացել է 16 300 ձայն, երրորդ տեղում Վիտալի Բալասանյանն է, նա ստացել է 8 600 ձայն:
01.04.2020 - 01:10
Մշակվել է քվեների 52 տոկոսը: Ձայների հաշվարկը շարունակվում է: Նախագահական ընտրություններում, ըստ նախնական տվյալների հաղթում է Արայիկ Հարությունյանը։ Մի քանի տեղամասերի ոչ պաշտոնական արդյուքնների հանրագումարը ստորև`
Ա. Հարությունյան-26001 ձայն
Մ․ Մայիլյան- 13012 ձայն
Վիտալի Բալասանյան- 8996 ձայն
01.04.2020 - 01:00
01.04.2020 - 00:10