Հայաստանում հաստատվել է կորոնավիրուսով վարակման ևս 43 դեպք, վարակվածների թիվը 372 է
Հայաստանում մարտի 28-ին՝ ժամը 10:00-ի դրությամբ նոր կորոնավիրուսով վարակվելու 43 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:
Հիշեցնենք, որ երեկ հաղորդված տվյալների համաձայն՝ գրանցվել էր կորոնավիրուսի 329 դեպք:
Ընդհանուր առմամբ՝ մարտի 28-ին հաստատվել է կորոնավիրուսի 372 դեպք:
Բացասական արդյունք է արձանագրվել 2172 թեստավորման դեպքում: Փաստացի այս պահին բուժվում է 343 անձ:
Ապաքինվել է 28 անձ: Մեկ պացիենտ մահացել է:
Հիշեցնենք, որ ԱՆ հիվանդություների վերահսկման և կանխարգելման ազգային կենտրոնը մարտի 27-ին հրապարակել է ՀՀ-ում կորոնավիրուսով վարակվածության հաստատված դեպքերի վերաբերյալ տվյալներ` ըստ մարզերի:
Ըստ այդմ՝ ամենամեծ թվով հիվանդները Երևանում են՝ 151 վարակված։ Երևանին հաջորդում է Կոտայքի մարզը, որտեղ արձանագրվել է կորոնավիրուսի 57 դեպք, այնուհետև Արարատի մարզն է՝ 56 դեպք, Շիրակի մարզում՝ 5, Լոռիում և Սյունիքում՝ երկուական դեպք։
Կորոնավիրուս է հաստավել նաև 5 զինծառայողի մոտ, նրանցից ոչ մեկը թոքաբորբ չունի։