Երբ մեր պաշտոնյաները կիսում են միլլիոնավոր պարգևավճարները, Արագածոտնի մարզում երեխաները ձմռան երկու ամիսներին ստիպված են մնալ տանը
Շատ մտահոգիչ տեղեկություն իմացա։ Երբ մեր պաշտոնյաները իրար մեջ կիսում են միլլիոնավոր պարգևավճարները, Արագածոտնի մարզում բնակվող երեխաները ձմռան երկու ամիսներին ստիպված են մնալ տանը և չեն հաճախում մանկապարտեզներ: Մանկապարտեզների չգործելը ձմեռվա ցուրտ ամիսներին պայմանավորված է սուղ ֆինանսական միջոցներով: Համայնքապետարանները չեն կարողանում այդ ամիսներին ֆինանսավորում հատկացնել, ինչը բերում է մանկապարտեզների ժամանակավոր փակմանը:
Մարզում գործում է համայնքային ենթակայության 34 մանկապարտեզ, որոնցից 28-ը (82%) ձմռան 2 ամիսներին ժամանակավորապես փակվում է:
Նույն մարզի 30 հանրակրթական դպրոցներ ջեռուցվում են էլեկտրական ջեռուցիչներով:
Իրական խնդիրները սրանք են և մեր օրակարգում պետք է առաջնայինը այսպիսի խնդիրների լուծումը լինի։ Այդ միլլիոնավոր պարգևավճարները, ապրիլի 5֊ի քարոզարշավի գումարը և մնացած անիմաստ ծախսերը պետք է տրամադրվեր նման խնդիրների լուծմանը։
Այո, այս խնդիրները պետք է լուծված լինեին 30 տարիների ընթացքում, բայց չեն լուծվել և դրա համար նախկինը այլևս նախկին է և կան ներկա իշխանությունները, որոնք պարտավոր են լուծել։ Դրա փոխարեն այս իշխանությունները զբաղված են իրենք իրենց ահռելի գումարներ հատկացնելով։
Արման Ղուկասյանի ֆեյսբուքյան էջից