Պարզվեց, որ այս երկրում կա 7 համառ մարդ, նրանք չեն վախենում իշխանությունից և չեն ենթարկվում նրա կամքին
Շուրջ մեկ տարի առաջ ՀՀ գործող իշխանությունը, կարելի է ասել, պատերազմ հայտարարեց Սահմանադրական դատարանին՝ այս կառույցը հռչակելով Հայաստանի Հանրապետության ժողովրդի թշնամի և մեր զարգացման գլխավոր խոչընդոտ։ 1 տարի շարունակ մարդիկ փորձում են հասկանալ, թե ինչով են Հրայր Թովմասյանն ու մյուս 6 դատավորները խանգարում մեր իշխանություններին, և ինչպես է արտահայտվում նրանց «վնասարարությունը»։
Իշխանությունների կարծիքով՝ հանուն նախկին իշխանությունների կամքի կատարման։ Հանրության մեկ այլ մասի կարծիքով՝ հանուն սկզբունքի, հանուն անկախ դատական համակարգի, հանուն այն բանի, որ մեր երկրում լինի գեթ մեկ համակարգ, որը գործող իշխանությունների կրնկի տակ չէ և հակակշռում է իշխանության մյուս ճյուղերին։ Այս 2 իրարամերժ տեսակետները բախվելու են ապրիլի 5-ին։ Նրանք, ովքեր համամիտ են իշխանությունների հետ և ուզում են հնազանդ ՍԴ, «ԱՅՈ» կքվեարկեն սահմանադրական փոփոխությունների հանրաքվեին։ Նրանց, ում համար կարևոր է հակակշռումների և իշխանության թևերի տարանջատման գաղափարը, կքվեարկեն «ՈՉ» կամ կբոյկոտեն այն:
Արմինե Օհանյան