Նախորդ տարիների համեմատ, այս տարի միջոցառմանը ավելի շատ գումար էր հատկացվել բյուջեից
Երկու օր առաջ Երևանի քաղաքապետարանից հերքել էին, որ որևէ մեկից ու մասնավորապես Ս. Ալեքսանյանից գաղտնի նվերներ են ստացել, ասենք, կամազներ։ Երեկ քաղաքապետին ասում են, ընկեր, բա եթե գաղտնի չի, ուրեմն ասա ով ա նվիրել։ Ասում ա. «Ճիշտն ասած չեմ հիշում»։ Տո այ դալբա... Լավ, էդ մի կողմ, ուրեմն տեսեք։
Երևանի օրվա տոնակատարությունների հետ կապված փոխքաղաքապետ Տ. Վիրաբյանը այս տարվա հոկտեմբերին ասուլիս էր հրավիրել։ Նախորդ տարիների համեմատ, այս տարի միջոցառմանը ավելի շատ գումար էր հատկացվել բյուջեից։ Լրագրողի հարցին, թե ինչու է այդպես ստացվել, փոխքաղաքապետը պատասխանեց, թե իբր նախորդ տարիներին Էրեբունի-Երևան տոնակատարություններին հովանվորչական օժանդակություն և նվիրատվություններ են եղել, ինչն այս տարի չկա, այնուհետև հավելեց.
«Որովհետև նվերներն ուղղակի չեն լինում, և մենք միմիայն ծախսում ենք այն բյուջեն, որը նախատեսում է Երևանի քաղաքի բյուջեով, և Էրեբունի-Երևան տոնակատարությանը որևէ մեկենաս չկա այս դեպքում: Եթե թերթած լինեք մամուլը, կտեսնեք, որ մի շարք նվիրատվություններ չեն հասել հասցեատերերին: Եվ այս պարագայում մենք խուսափում ենք որևէ նվիրատվություն վերցնելուց, որևէ նվիրատվություն որևէ մեկին հասցնելուց»։
Հիմա հարց եմ տալիս Վիրաբյանին ու ինչու ոչ, նաև մոռացկոտ Մարությանին.
Եթե դուք հիմա ամեն ինչի վրա ավելի շատ փող եք ծախսում քան նախկինները ու հիմնավորում եք դա նրանով, որ դե նախկիններին լիքը բան նվիրում էին, իսկ դուք ստիպված եք ծախսերի տակ ընկել, իսկ նվերները ձեր խոսքերով հենց այնպես չեն արվում, ապա ինչի՞ դիմաց են ձեզ նվիրել էդ կամազները, ինչի՞ տակ եք ստորագրվել, ի՞նչ պարտավորություններ եք վերցրել ձեզ վրա, որոնց տակ մենք ենք մնալու երբ դուք վերջը սի*տիր լինեք մեր կյանքից։
Մենակ չասեք, թե դա էլ չեք հիշում...
Վազգեն Սաղաթելյանի ֆեյսբուքյան էջից