Մաթևոսյան. Տարակուսելի է, որ պաշտոնական Երևանը չի նշում, որ Արցախի կարգավիճակը պարտադիր պետք է լինի Ադրբեջանի կազմից դուրս. Տեսանյութ
«5-րդ ալիքի» կիրակնօրյա «Հայլուրի» հյուրն էր «Պոլիտէկոնոմիա» հետազոտական ինստիտուտի քաղաքագետ Բենիամին Մաթևոսյանն ով անդրադարձել է Լեռնային Ղարաբաղի խմդրի կարգավորման հարցով վարվող բանակցային գործընթացին, և ՀՀ վարչապետ Նիկոլ Փաշինյանի վերջին հայտարարություններին այս թեմայով:
Մաթևոսյանը նշել է, որ տարակուսելի է այն հանգամանքը, որ պաշտոնական Երևանն իր ձևակերպումներում նշում է, որ մեզ համար կարևոր է Ղարաբաղի ժողովրդի անվտանգությունն ու կարգավիճակը, սակայն չի նշում, որ այդ կարգավիճակը պարտադիր պետք է լինի Ադրբեջանի կազմից դուրս:
«Մեր վերջնանպատակը պետք է լինի Արցախի Հանրապետության կարգավիճակի միջազգային ճանաչումն Ադրբեջանի տարածքից դուրս, եւ սրան պետք է հասնել մեզ համար հնարավորինս մինիմալ կորուստներով», - ասաց նա:
Քաղաքագետը նաև ընդգծեց, որ շատ սիմվոլիկ է այն հանգամանքը, որ Փաշինյանը ղարաբաղյան բանակցությունների պատմության և դինամիկայի մասին զրույցներ է ունեցել մի կողմից Լևոն Տեր-Պետրոսյանի, մյուս կողմից՝ Իլհամ Ալիևի հետ:
Մանրամասները՝ տեսանյութում: