«Մկրտությունից հետո որևէ շփում չի եղել». Քարդաշյանների կնքահայր Նաիրի Սրապիոնյանը՝ ԱՄՆ իր այցի առիթի մասին
BRAVO.am-ին հայտնի է դարձել, որ Քարդաշյանների կնքահայր Նաիրի Սրապիոնյանն այս օրերին Միացյալ Նահանգներում է: Մենք կապ ենք հաստատել սարկավագի հետ՝ ճշտելու այցի նպատակը, նաև հետաքրքրվելու՝ հայտնի ընտանիքի հետ հանդիպում սպասվում է, թե՝ ոչ:
Նաիրի Սրապիոնյանը մեզ հետ զրույցում նշել է, որ իր այցը վաղուց էր ծրագրել և մեկնել է ոչ թե Քարդաշյանների հրավերով, այլ՝ արձակուրդի.
«Որևէ հատուկ նպատակով չեմ մեկնել: Այս պահին որևէ հստակ բան ասել չեմ կարող: Ուղղակի արձակուրդում եմ»:
Սարկավագից հետաքրրվեցինք նաև՝ մկրտությունից հետո Քարդաշյանների հետ որևէ կապ եղել է.
«Ոչ: Մկրտությունից հետո նրանց հետ ոչ մի շփում չի եղել: Իմ կողմից էլ նրանց հետ կապ հաստատելու փորձ չի եղել»,-եզրափակել է նա:
Տեքստը՝ Մարիամ Խաչատրյանի/Bravo.am/
Լուսանկարները՝ Նաիրի Սրապիոնյանի եւ Քիմ Քարդաշյանի ֆեյսբուքյան էջերից