Սերժ Սարգսյանը հրաժարվել է հանձնել Արցախի 5 շրջանները Ադրբեջանին. Լուկաշենկոյի սենսացիոն բացահայտումը

Այսօր՝ դեկտեմբերի 14-ին, Բելառուսի նախագահ Ալեքսանդր Լուկաշենկոն ռուսաստանյան ԶԼՄ ներկայացուցիչների հետ հանդիպմանը պատմել է  Ռուսաստանի և Բելառուսի մասնակցության ԼՂ հակամարտության կարգավորման գործում ավելի վաղ հնչեցված առաջակությունների մասին:

Բելառուսի նախագահը նշել է, որ այդ հարցը քննարկվել է Երևանում՝ ՀԱՊԿ գագաթնաժողովներից մեկի ընթացքում, Սերժ Սարգսյանի նախագահության օրոք: Նա Հայաստանի և Ադրբեջանի նախագահներին կոչ է արել միասին լուծել այդ խնդիրը՝ գնալով փոխզիջումային որոշումների: Միևնույն ժամանակ Ռուսաստանն ու Բելառուսը միասնական դիրքորոշում էին որդեգրել, այդ թվում խոստանալով անհրաժեշտության դեպքում ռազմական կոնտինգենտ մտցնել որոշակի երաշխիքներ ապահովելու համար: Այս մասին հաղորդում է «БЕЛТА»-ն:

- Հետո անկեղծ ասացի. Լսիր, ինչպես նրանք են ասում, օկուպացրել են 7 շրջան: Եւ մենք Պուտինի հետ միասնական դիրքորոշում կայացրինք (դա Երևանում էր՝ ՀԱՊԿ-ին). Սերժ, տուր այդ 5 շրջանները: Որն է դրանք չվերադարձնելու պատճառը, չէ՞ որ դրանք դատարկ են: Նա ասաց՝ ոչ մենք դրան չենք գնա, մենք դա չենք ոզում, - մանրամասնել է  Լուկաշենկոն:

Լուկաշենկոն նշել է, որ դա նրա համար զարմանալի էր:

- Ինչու՞ չեն ուզում: Հինգ շրջան դատարկ է: Դա առաջին քայլն է: Այդ ժամանակ և Ադրբեջանը և Հայաստանը կլինեին ՀԱՊԿ-ում և ԵԱՏՄ-ում: Դա պայման էր, որի դեպքում Ադրբեջանը կարող էր անդամակցել այդ կազմակեպություններին: Ինչու՞ դուք հրաժարվեցիք: Լավ, Բելառուսը, բայց Ռուսաստանը երաշխավոր էր հանդես գալիս, որ այնտեղ երբեք պատերազմ չի լինելու, եթե ազատագրվեն այդ շրջանները, որոնք դուք ճանաչում ենք որպես ադրբեջանական:  Խոսքը Ղարաբաղի մասին չէ, - ասաց նա:

Zham.am