Ո՞ր ուժերը կանցնեն խորհրդարան. Գելափ ինթերնեյշնլ
«GALLUP International association»-ը դեկտեմբերի 1-ից 4-ն հարցում է իրականացրել 1100 քաղաքացիների շրջանում՝ պարզելու, թե քաղաքացիները որքանով են հետաքրքրված քարոզարշավով և որ ուժի օգտին են մտադիր քվեարկել:
Ընկերության Հայաստանում անդամ Էմ Փի ՋԻ-ի տնօրեն Արամ Նավասարդյանի խոսքով՝ արտահերթ խորհրդարանական ընտրությունների օրը գիտեին հարցվածների 91.4%-ը:
Քարոզարշավին հետևել է քաղաքացիների 66.8%-ը:
Իսկ թե ո՞ր ուժի քարոզարշավին են հանդիպել, քաղաքացիների մեծամասնությունը նշել է «Իմ քայլը», ԲՀԿ-ն, «Լուսավոր Հայաստանը», ՀՀԿ-ն:
Քաղաքացիներն քարոզարշավին հիմնականում հետևել են հեռուստացույցով, բակերում հանդիպումների և ֆեյսբուքի միջոցով:
Որ ուժի օգտին են պատրաստվում քվերակել, այսպես՝
«Իմ քայլ»՝ 69.4 %,
ԲՀԿ՝ 5.7%,
«Լուսավոր Հայաստան»՝ 3.8 %,
«Սասնա ծռեր»՝ 1.4%,
ՀՀԿ՝ 1.3%,
ՀՅԴ՝ 1.2%,
ՄԵՆՔ՝ 0.8%,
ՕԵԿ՝ 0.4%,
Քաղաքացու որոշում՝ 0.3%,
«Ազգային առաջընթաց»՝ 0.1%,
Քրիստոնեադեմոկրատական կուսակցություն՝ 0.0%:
Հարցվածքների 8.7% հրաժարվել է պատասխանել, 7% -ն էլ դժվարացել է պատասխանել:
Հարցվածքների 48 %-ը ծանոթացել է նախընտրական ծրագրերին՝ առավելապես «Իմ քայլի», ԲՀԿ-ի և «Լուսավոր Հայաստանի»: Հեռուստաաբանավեճերին քաղաքացիները ևս ամենաշատը հետևել են հեռուստատեսության և կայքերի միջոցով, բայց բանավեճերն առավելապես դրական են գնահատվել:
«Մեր կանխատեսումով՝ քաղաքացիների շուրջ 70%-ն է մասնակցելու ընտրություններին»,- ասաց Արամ Նավասարդյանը՝ հավելելով, որ ըստ հարցման՝ ԱԺ կանցնեն «Իմ քայլը», ԲՀԿ-ն, ԼՀ-ն, իսկ ՀՀԿ-ի հարցը շատ անորոշ է:
Նավասարդյանը հավելեց, որ այս ընտրություններին էկզիտ փոլ չեն անցկացնելու: Նրա խոսքով՝ 2012թ. են անցկացրել էկզիտ փոլ և շատ մոտ արդյունք են ստացել, բայց դրանից հետո «Գելափ ինթերնեյշնլը» չի անցկացրել էկզիտ փոլ: