Գագիկ Ղալաչյանը նշանակվել է Ղազախստանում ՀՀ արտակարգ և լիազոր դեսպան
ՀՀ նախագահ Արմեն Սարգսյանի հրամանագրով Գագիկ Ղալաչյանը նշանակվել է Ղազախստանի Հանրապետությունում Հայաստանի Հանրապետության արտակարգ և լիազոր դեսպան:
«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի.
Գագիկ Ղալաչյանին նշանակել Ղազախստանի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Աստանա)»,-ասված է նախագահի հրամանագրի մեջ:
Նախագահի մեկ այլ հրամանագրով Արա Սահակյանը, ով այս պաշտոնը զբաղեցնում էր 2013 թվականից, հետ է կանչվել Ղազախստանի Հանրապետությունում և Ղրղզստանի Հանրապետությունում Հայաստանի Հանրապետության արտակարգ և լիազոր դեսպանի պաշտոնից:
«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի.
Արա Սահակյանին հետ կանչել Ղազախստանի Հանրապետությունում և Ղրղզստանի Հանրապետությունում Հայաստանի Հանրապետության արտակարգ և լիազոր դեսպանի պաշտոնից»,-ասված է հրամանագրի մեջ:
Ներկայացնում ենք Գագիկ Ղալաչյանի կենսագրական տվյալները.
Ծննդյան թիվ և վայր՝ 1969թ. մարտի 4, ք․ Լվով (Ոկրաինա)
Կրթություն՝ 1986-1989թթ. Լենինգրադի պետական համալսարանի արևելագիտության ֆակուլտետ՝ թուրքերեն լեզու և գրականություն
1989-1992թթ. ԵՊՀ պատմության ֆակուլտետ՝ պատմաբան, պատմության ուսուցիչ
1993-1995թթ. ՌԴ ԱԳՆ դիվանագիտական ակադեմիա
1996-1997թթ. Աթենքի համալսարանի տնտեսագիտության, իրավունքի և կառավարման ֆակուլտետի քաղաքական գիտությունների և կառավարման բաժնի ասպիրանտուրա
Աշխատանքային գոոծունեություն՝
1993-1995թթ. ՀՀ ԱԳՆ Թուրքիայի բաժնի կցորդ
1995-1996թթ. ՀՀ ԱԳՆ Եվրոպական երկրների վարչության 2-րդ եվրոպական բաժնի 3-րդ, ապա 2-րդ քարտուղար
1997-1999թթ. Հունաստանում ՀՀ դեսպանության 2-րդ քարտուղար
1999-2000թթ. ՀՀ ԱԳՆ քարտուղարության պետ
2000-2001թթ. ՀՀ ԱԳՆ ՍՎՄԱ վարչության ռազմաքաղաքական համագործակցության բաժնի վարիչ
2001-2003թթ. ՌԴ-ում ՀՀ դեսպանության խորհրդական, Հավաքական անվտանգության մասին պայմանագրի Գլխավոր քարտուղարին կից ՀՀ լիազոր ներկայացուցիչ
2002-2003թթ. ՀԱՊԿ մշտական խորհրդում ՀՀ լիազոր ներկայացուցիչ
2004-2007թթ. ՀՀ ԱԳՆ Ասիայի, Օվկիանիայի և Աֆրիկայի վարչության պետ
2007-2009թթ. ՀՀ Նախագահի աշխատակազմի արտաքին կապերի վարչության պետ
2009-2016թթ. Հունաստանի Հանրապետությունում, Կիպրոսում Հայաստանի Հանրապետության դեսպան (նստավայր՝ Աթենք)
2010-2016թթ․ Սերբիայում, Ալբանիայում Հայաստանի Հանրապետության դեսպան (նստավայր՝ Աթենք)
2013-2016թթ․ Բոսնիա և Հերցեգովինայում Հայաստանի Հանրապետության դեսպան (նստավայր՝ Աթենք)
Օտար լեզուներ՝
անգլերեն, ռուսերեն, թուրքերեն, հունարեն
Ընտանեկան կարգավիճակ՝
Ամուսնացած է, ունի երեք որդի: